LUKAT 8:39 - Ala Ane Wene Ket Mene Warogo Wo'ninapike Wene

³⁹ “Haua lan o. Lìlìk he, Ala nen hagathape mene atì pìlìngìrogo yogoisìlìk nìkì logoino,” ìlùk, asuk warogo lakhesikomo ap a'nogo aua lagaikesik he, “Yesùt en tì'nogo haga'nape o,” ìlùk, pìlìngìrogo it apùnì o kota atoma mene obogat yogoisìlìk nìkì lagaike.

LUKAT 8:39 ပူးပေါင်းရင်းမြစ်များ

1 TIMOTÌÙT 5:8

It ap aike nen Ala ane eberogoat ìlùk wanhukwasik logolìgat he, inokawerek inagainapùrì atìat esinethìlìk leberisìgìk, apùnì ero it mene halok ato inomat leberisìgìk, ìgì'lek halok he, Ala ane heraksalùk wùlùpasik hakeat werek o. It apùnì etakwe mene nen wene wanhì'lek logolìk, weak hamùlùgat negen hagarì'lùgì meneat he, it atì wene wanhukwasik en apùnì it mene leberisìgì'lek atì nen, weak hùko negen hagarì'lùgì o.

YOHANET 4:29

“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.

MAREKÙT 1:45

Atì'nogo yogosike meneat he, at a'nogo nen apùnì yùgùnat yogoisìkì logolìk he: “Yì'nogo haga'nape o,” ìlùk abok hano wìagararìk lagaike atì nen he, at Yesùt o kota ya ta atoma kìlìk ebe weinam hogo nìkì logousak mea agaikomo re, leimo apùnì le'ma lagaikesik welagaike. Atì'nogo welagaike meneat he, apùnì o ya ta atoma nen oba atogosi waga lagaukwa.

MAREKÙT 5:18

Yogosukwama re, at Yesùt i so a'la kigin ha'ma re, at ap mokareke oabùt weak mene a'la kìlìk welagaike mene a'nogo nen he, mel yogosike: “Neperak nìkì logouok en he, lùok o,” ìlùk ane elageik ane yogosikomo,

MAREKÙT 5:19

at Yesùt en he, mel yogosike: “Lek o. Haua lano o. Lìlìk he, ninoe Etagepogot a'nogo nen etawì nììlìk he, yì'nogo haga'nape, ìlùk hogogi hagoromì yogoisa lano,” ìlùk asuk warogo lakhesike.

LUKAT 8:38

Wesìilùk ikenem he, ap mokareke inoabùt weak mene a'la kìlì'mo henogo wulapike mene a'nogo nen, mel isike: “Noe. Neperak nìkì logouok en, lùok o,” ìlùk, ane elageik ane Yesùt yogosikomo, at Yesùt en he, “Lek o,” ìlùk aua lakhìkì logolìk he,

LUKAT 8:40

At Yesùt ebe i aik ìlì bakwe nen apotkwe wùlìbi wagaikomo re, it apùnì inebe apigat en, at ebe serogo welagaukwasi'mo nogo nen he, hai warogo wanhukwa.