LUKAT 8:35 - Ala Ane Wene Ket Mene Warogo Wo'ninapike Wene

³⁵ Atì'nogo yogoisa lagaukwama re, it apùnì nen he, “Nìkì'nogo haga'lagama nen ega,” ìlùk, ineileken huogolak Yesùt oba wagaukwa. Wagaukwa re, ap mokareke inoabùt weak mene a'la nen wùlìpike mene a'nogo epe hebelagaikesik asu laberogo Yesùt awe a'ma hùrek were'ma ineileken hasukwasik, inayùk agaukwa.

LUKAT 8:35 ပူးပေါင်းရင်းမြစ်များ

LUKAT 10:39

At Yesùt, he Mareta atì agot etage Maria eperak were'ma kisikomo, he Maria a'nogo Yesùt awe a'ma logolìk ane asuk hologo welagaike.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

LAKSASIKE 22:3

“An he, ap Yahuri mene, nebe o propinsi Kilikia o kota Tarasùt ta'lagagi meneat he, o Yerusalem yoma nen kùlnapukwama nalùge agagi. Nalùge agagimo, ap kain Kamaliel nen wene Ala nen ninopalak inasuk wasike wene a'nogo tùkùm hogo yakùlnetì lagaike. Yakùlnetenem, an nen hit yogotak Ala hesik hinomamerogo hagatì lagep atì hagat hagatì lagagi.

LUKAT 8:27

Wùlùpukwasik, aik oba wùlìbi lagaukwa hak, ap aike awì sili kota atì mene mokareke oabùt weak mene a'la kisikomo welagaike mene, at Yesùt oba wagaike. Ap atì hageat en mokareke oabùt weak mene ninhùp-nanhùp a'la kikenem, it apùnì aike nen eki esok posie omaken oba homatì lagaukwa meneat he, hele tilip-telap hogo laksìlìk, mokareke a'nogo nen wolok o leimo apùnì le'ma atoma laga lagaikesik he, hobuk su labere'lek alulukwaat, at aua loporogo welagì'lek omoula warek mene hisagarekkwe atoma motok logolìk Yesùt ebe waganem eileken lakhasikesik awe a'ma hù'lasi kìlìk ane hùkorogoat mel yogosike: “Yesùt. Hat Ala Etagepogot aput yì, an nìkì'nogo haga'nabigìlùk wagen,” ìlùk yogotenem, at Yesùt en mokareke a'nogo wùlùbuagalùk yogosikomo, at a'nogo nen: “Noe. Weaga'napùn o,” ìlùk ane lìok hogo yogosike.

LUKAT 15:17

welegat logolìk oabùt hebelarìk he, Eigo! An nopase a'nogo aua atitigeko mane eyabu hagatarek mene amanogo inebo logolegat sùpùrùk apik titelogo hìgìk niko kolegat he, an yì nek he, sùpùrùk nele nen wa'lasigin yì!

LUKAT 2:46

Pisukwasik, herarìk ineki pìre nìkì lagaukwasik en, hobuk ineki aike nen hìthasukwa re, at ebe Ala awì wùrì'mo kìlìk, it ap Ala ane yakùlisagarek mene inom inekele'ma hùrek logolìk, it amanogo inane ikenem asuk holhìk, it en ikenem at en oko ìgìk, hinok wanhìk, ikenem herasukwa.

MAREKÙT 5:15

Wagaukwa re, ap alebat mokareke inoabùt weak mene esa logolek a'la kìlìk welagaike mene a'nogo, epe hebelagaikesik, asu laberogo hùrek were'ma ineileken hasukwasik, inayùk agaike.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.

LUKAT 8:34

Atì'nogo haga'lagaikomo, it ap wam kalogo welagaukwa mene ineileken hasukwasik he, humusek yoko lagaukwasik, wene haga'lagaike mene a'nogo apùnì o sili hùkoma yogoisìgìk, hamùlù'mo yogoisìgìk, yogoisasukwa.