LUKAT 8:30 - Ala Ane Wene Ket Mene Warogo Wo'ninapike Wene

³⁰ Atì'nogo yogosikomo re, at Yesùt en hinok wokhìkì logolìk he, mel yogosike: “Hat hetage sa,” ìlùk yogosikomo, ap a'nogo mokareke inoabùt weak mene esa logolek a'la kìlìk welagaukwa atì nen he, “Netage esa logolek u hak, Legiun,” ìlùk yogosike.

LUKAT 8:30 ပူးပေါင်းရင်းမြစ်များ

MATÌÙT 26:53

Yogotak an nebe elele wo'nabuagalùk he, nopase kìno yogosumo, at en it malaikat Ala nen pogot oba yoko pelaksa wagarek mene amanogo inebe esa 12 en hamùlùgat meneat he, esa motok apik inayoko houmo, holhùlùk telnabi wesusak mea akegen?

LUKAT 8:2

it hìmì aike mokareke oabùt weak mene ina'la kìlì'mo henogo wulaksìgìk, inoba ou mene hagarinapìk, hageat hagarinapike mene aike mel, inom nìkì lagaukwa. Hìmì atem aike re, he Maria awì Maktala ìkì lagaukwa mene, alebat mokareke inoabùt weak mene inebe 7 nen a'la kìlìk were'ma, at Yesùt en henogo wulaksasike mene atì mel,

MAREKÙT 16:9

[At Yesùt ebe hari Minggu ba melagaike atì sat ohealek hùp siak hogo re, melagaikesik, at he Maria aua o Maktala mene mokareke inoabùt weak mene inebe 7 nen a'la kìlìk were'ma hageat henogo wulaksasike mene a'nogo nen tak, “Emakum eileken neoak,” ìlùk elokoma melagaike.

MATÌÙT 8:29

inane hùkorogoat mel yogosukwa: “Ala aput yì. Hat en he, nit nìkì'nogo haga'ninabigìlùk wagen. Nit ninoasusak oba oan werek kolegat he, hat tak ninoasigìlùk wagen yoma rì!” ìlùk yogosukwa.

MAREKÙT 5:9

Ane hùkorogo isikomo re, at Yesùt en he: “Hat hetage sa,” ìlùk hinok oba wanhikomo re, at en he, mel yogosike: “Ninebe logolegat welago atì nen he, netage esa logolek u hak, netage Legiun,” yogosike.

MATÌÙT 4:24

Atì'nogo hagarìnabìk nikenem, abok o Sirìa atoma motok sak isikomo re, yì ou tì ou, yì hat tì hat inoba werek mene inom, mokareke oabùt weak mene ina'la kìlìk inepe lùgùlùgì palharek mene inom, wa'lagìk ineluk agìk egarek mene inom, ineki inesok wùt warek mene inom, oba wogisek waganem hagarìnapi lagaike.