LUKAT 8:25 - Ala Ane Wene Ket Mene Warogo Wo'ninapike Wene

²⁵ Hapuk isikomo, at Yesùt en agoromì amanogo mel yogoisasike: “Hinetaùken noba hìpìrìk welagep mene a'nogo, ka laguma nen ìkì lagep,” ìlùk, atì'nogo yogoisasikomo it inayùk agaukwasik, it-it ìkì logolìk he, “Egi! Ap yì sa akegep. Sogoi mel, i ha'labu mel, at ane ba, Lek ame, ikenem, ane hologo lek aga atì nayùk e,” ìlùk hogorasukwa.

LUKAT 8:25 ပူးပေါင်းရင်းမြစ်များ

MATÌÙT 8:26

Atì'nogo yogosukwama, at Yesùt en he, “Nenahalok hinayùk aga lagep? Hinetaùken an noba hìpìrìk logohùk yì rì!” ìlùk ane ìlìk ìlìk melagaikesik he, sogoi a'nogo mel, i ha'labu a'nogo mel, “Habolok,” ìlùk wenagasikomo, abolok motok hapuk isike.

MATÌÙT 14:31

Yesùt en eki hagasogo menhìkì logolìk he, “Hat hetaùken noba hìpìrìk logohùk yì rì! Hetaùken pìre welagen atì nahalok,” ìlùk yogosikesik he,

YOHANET 11:40

at Yesùt en he, mel yogosike: “An nen wene yogohetì logolìk, Hetaùken an noba hìpìrethegen halok he, Ala hogoratarek mene a'nogo aike hagatenem heileken hegeinat o, ìlùk, arat yogohetì'lek nogo? Yogohetìat o,” ìlùk yogosikomo,

LUKAT 12:28

Halok he, eka heleka o leimokwe welagarek mene atì re, yogotak hak, hano welagaresik en, hùen hak he, etumo lolhisagarek meneat he, Ala nen inasu laberisa hak hano mene hagarogo hisikerek atì hak, hit hinebe hesik labethikegein lek nogo? Hinetaùken at oba hìpìrìk logohùk yìi ri!

MATÌÙT 17:20

at Yesùt en he, “Hit hinetaùken tùkùm hogo noba hìpìrethìkì lagep lek atì nen o. Kìbì-kìbì eken magakelak mene heik lakhagarek atì hak, hinetaùken an noba hamùlùgat enek hìpìrethìlìk he, tom arì yogotì logolìk, Aroma nen hìgìlogo wele'ma atoma asi lan o, ìlùk gosugun halok he, atoma nen wele'ma atoma asi lasagat o. Hit en yì mene tì mene hagasumo re, aike mea agì'lek hano nek asigin, ìlùk eberogoat yogohisìgì. [Mene re, mokareke oabùt weak mene yì hake ina'la kìlìk were'ma re, sùpùrùk nìkì'lek sapan umo nek he, elok henogo wùlùbusak o,]” ìlùk yogoisasike.

MATÌÙT 6:30

Eka heleka o leimokwe welagarek atì re, yogotak hak hano welagaresi'mo nen, hùen hak etumo lolhisagarek meneat he, Ala nen inasu laberìsa hak hano mene hagarogo hisikerek atì hak, hinebe hesik, hanorogo labethikegein lek nogo? Labethikegeinat o. Hinetaùken Ala oba hipìrethùhùk yì rì!

MATÌÙT 8:10

at Yesùt asuk holhikesik he, apùnì at opolik lagaukwa mene amanogo mel yogoisasike: “Egi! Ap yì etaùken noba eberogoat hìpìrethike atì hake, it apùnì Isirael mene aike inetaùken atì'nogo hìpìrethikenem isìgìrek lek mene nayùk e, ìlùk eberogoat yogohisìgì o.

MAREKÙT 4:35

Atì'nogo yogoisìkì lagaikesik, o hìmaganekokwe at Yesùt en agoromì amanogo mel yogoisasike: “Nit i aik ìlì ba wùlùbuok o,” ìlùk yogoisasikomo,

LUKAT 8:24

Atì'nogo hagasikomo, it amanogo nen, at Yesùt nogo ikenem eluguthìkì logolìk he, mel yogosukwa: “Ninoe! Ninoe! Nit arat i logoin yoma,” ìlùk yogosukwama, at Yesùt eluk agaikesik he, sogoi mel, i ha'labu mel, wenagasikomo palarìk he, motok hapuk isike.

LUKAT 8:26

Atì'nogo ìlùk, hobuk he, at Yesùt agoromì inom i Kalilea yekelek aìk ìlì bakwe so warogo o Kerasa wùlùpukwa.