LUKAT 8:15 - Ala Ane Wene Ket Mene Warogo Wo'ninapike Wene

¹⁵ Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

LUKAT 8:15 ပူးပေါင်းရင်းမြစ်များ

IBERANI 10:36

Hit en Ala a'la walok akikerek mene hagatenem, at en, “Hit wokhisegein,” ìlùk abok yogohisasike mene atì wanuageip en he, hinepe morogo hagatì logousak o.

LUKAT 6:45

Apùnì nen yì wene tì wene inapema nen egarek atì re, ina'la peserek logolìk, kagalogo lagai waganem egarek o. Inoabùt hano mene ina'la hano mene peserek logolìk, wene hano meneat wulabi wagaikarek o. Meneat he, apùnì inoabùt weak mene ina'la weagat logolìk wene weak meneat wulabi wagaikarek o,” ìlùk yogoisasike.

1 YOHANET 2:3

Wene Ala nen ninasuk waterek wene atì, hologo higit hogo hagatì lago halok he, at e be ninelu o, ìlùk atì ba nen ninetawì wekelogo hùthìkì lago.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

LUKAT 11:28

at Yesùt en he, mel yogosike: “At atì nek lek o. It aike Ala ane atì inasuk holìk higit hogo hagatì logogun halok he, ina'la hai apik hakìkì logouagat o,” ìlùk yogosike.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

ÙRÙM 7:4

Atì hak he, nerùgì nagaiya'lak. Hit alep he, hìmì inagonì inom hele homage hake welagaikarek ogo atì hak, wene Ala nen ninasuk wasike wene a'nogo ba homago were'ma, at Karìsùt ebe wasukwama wa'lagaike atì, hinomat wa'laga logolìk, hele hake homago welagagip mene atì arat hikalagaike atì. Atì nen he, hìmì inagonì wa'laganem aike elok woginabusak atì hak, hit Ala hesik hano hagatì logouagalùk, at Yesùt wa'lagaikesi'mo Ala nen eluguthesike mene a'nogo nen wokhinapikomo welagep o.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

YOHANET 15:10

Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.

MATÌÙT 24:13

Meneat he, sa nen epe morogo motok logogin halok he, o wùrep oba Ala nen teligin o.

IBERANI 2:1

Atì nenat, apùnì i so ba laganem i nen wogisek lagarek atì hak, nit ebe wene atì heraksamo wele'ma wo'nisek lanogo ìlùk, wene ninasuk holhugu mene atì ning hogo hesogo logouok o.

EPESÙT 2:8

Hit hinetaùken at oba hìpìrethikenem he, at oabùt hano a'nogo nen telhinapikomo welagep atì, ero hinokawerek en telegep hùk. We, yì mene tì mene oko legat wogisagarek hak, at Ala nenat telhinapikomo welagep atì.

1 KORÌTÙT 7:19

Inogat inekalìma mene atì'nogo palek logousak inom, pale'lek logousak inom, atì esin hùk. Lek o. Ebe esin he, Ala ane hologo hagatì logousak atìat o.

ÙRÙM 7:18

Higit hogo hagasigìlùk walok akìgìrek meneat he, ebe an nen hagasusak he, mea o. Atì re, an noabùt he, hano mene aike hagatìrek hùk. We, noabùt apùnì inoabùt mene nesogat logolìk hagatì lagì, ìlùk nelu o.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

YAKOBÙT 1:4

Hinetaùken akut negen aike welagì'lek obogat elok hogo wurik asuagalùk he, hina'la pùk agì'lek hinetaùken hapuk hogo logoino o.

LUKAT 8:14

Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.

LUKAT 8:16

Atì'nogo yogoisìlìk he, aike mel yogoisasike, “Apùnì nen he, esage kìalogo re, sogoloak a'ma sebelogo hìgìk, nogo egarek oba a'ma hìgìk, egarek lek. Apùnì ouma kìkì logolìk lìa were'ma enagat hoagalùk he, esage esok telik oba legesogo hagarek.

ÙRÙM 8:25

Mene re, nina'la nen, “Hobuk eberogoat tì'nogo haga'lasigin o,” ìlùk akìkì lago mene nineileken hìgì'lek logolìk ninepe morogo serogo welago.