LUKAT 8:14 - Ala Ane Wene Ket Mene Warogo Wo'ninapike Wene

¹⁴ Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.

LUKAT 8:14 ပူးပေါင်းရင်းမြစ်များ

1 TIMOTÌÙT 6:17

Yì mene tì mene obogat lek asigin meneat he, it ap kaintek inetagewerek mene atì ina'la nen hogorakìkì logolìk, “Nagarok kweangma mene yoma motok apik yì nen nebe hano logogin,” ìlùk, akìkì logoinogo. At he, at Ala yì mene tì mene obogat nina'la hairogo helìkì logouagalùk hùkorogo wo'nisikerek a'nogo nenat hano'ninabigin ìlùk hùthìkì logouak en inasuk watì logoino.

MAREKÙT 4:19

ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetì logolìk, inokawerek en lalìgìk, ina'la nen yì mene tì mene aike walok akìgìk, egarek atì nen he, wene atì ina'la kakil arìk he, eken ìterek lek atìat o.

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

LUKAT 21:34

At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,

LUKAT 8:7

Nen, eken aike re, pakì ekele'ma pisike mene re, paki atì inom omakìkwe hulelhikesik, awì hano mene a'nogo pakì atì nen palogo pelapikomo kakil agaike.

YOHANET 15:6

Nen, hele ekisok palogo laksagarek mene pùk aganem he, apùnì nen nomologo hìlìk etumo po laksikenem etu nikerek atì hak, at sa nen an neperak hutik lek, kopolek halok he, atì'nogoat palogo lakhoumo ebe etu negein o.

LUKAT 16:13

Ap omakeat mene ap kaintek inebe pìre mene inatitigeke logolìk ineyabu hagatì logousak motok mea o. Atì'nogo logogin halok he, inatitigeke atì nen, Nopase aike yì hano, netawì. Nen, aike atì weak, nabìt, ìlùk ìkì logolìk he, etawì mene atì eperak lopok hogo logolìk he, aike abìt mene atì, aberalìthìkì logousak o. Atì hake, hit he, Ala atitigeke logolìk, uang atitigeke logousak mea o,” ìlùk yogoisasike.

LUKAT 8:13

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

LUKAT 8:15

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

IBERANI 6:1

Atì nen he, Karìsùt agoromi arìk hagatì logousak mene wene emakum yakùlharek atì mene yakùlhugu mene atì werek kolek, inalùge arìk hagatì logousak mene yakùlhì logouok o. O tik hano warìk ineki etenharek lek atì hak, nit alep weak hagatì lagagu mene hukalogo heraksìlìk ninoabùt hebelarìk ninetaùken Ala oba hìpìrethesugu mene atì hobuk etenuok lek o.