LUKAT 8:13 - Ala Ane Wene Ket Mene Warogo Wo'ninapike Wene

¹³ Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

LUKAT 8:13 ပူးပေါင်းရင်းမြစ်များ

YOHANET 5:35

At Yohanet atì ebe re, esage kìalogo hikenem yararathikerek hak were'ma, hit en he, Esage yarogo ninoba hìkì logouak, ìlùk, elama hesigat hina'la hai hakìkì lagagip atì,

YURAT 1:12

Hit hinerùgì hinagaiya'lak inebe hinetawì nen pesta hinom omakìma atogorogo isago nikenem, it ap atì inekalì legat hinoba ki wìrìk he, apùnì aike serisek welagì'lek inokawerek hesik enek oba ebetì logolìk hinom nìkì lagep atì re, weak o. Su hano mola were'ma muli mene oba labulagarek atì hak, hinom weak nìkì lagep atì o. Inebe re, ohena moso negein lek meneat sogoi en abùlùngweak wolok nikerek atì hak nùgì o. Nen, aike re, e eken ìtì'lek, eka motok lek ari'mo, omaken inom hesalhenem motok pùk agarek atì hak werek o.

2 PETERÙT 2:22

It atì, apùnì nen inane lagak hogo mel ìlùk egarek atì hak hagatì logogun: “Yeke nen lùk hemelogo hìlìk, hobuk apotkwo na lagarek atì. Nen, Wam ogat hano sobalek mene hobuk wokulmo hilele wasi kikerek atì,” ìlùk egarek atì hagat, it atì'nogoat eberogoat hagatì logogun atì.

2 PETERÙT 2:20

Apùnì re, kweangma weak hagatarek mene yoma heraksalùk, ninoe Etagepogot Yesùt Karìsùt telninapike mene ebe inelu arìgat he, hobuk inapotkwe weak hagatarek mene atì oba kikenem he, kìmalìn awì ba elugeke kikenem ìkìlogo hakhikerek atì hak, haksamo re, mabenat asugun atì. Maben arìk, emakum weak welagaukwa atì re, hamùlùgat hano negen. Mene re, hobuk weak asugun atì re, motok hùko negen weak arìk logogun o.

IBERANI 10:39

Atì'nogo meneat he, nit he, it apùnì aike alema'lasuogolùk inapotkwe wùlùbugun mene atì hake welago hùk. Lek o. Nit he, ninebe telninabuagalùk ninetaùken at oba hìpìrìk welago mene welago o.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

YAKOBÙT 2:26

Ninebe ninareagùn wùlùpenem wa'lagorek atì hak, nina'la nen he, “Ala eberogoat,” ìlùk akìkì logolìgat he, nineki ba nen aike hagatì'lek halok, warek hake logolìk, we tùlemat akìkì lago o.

1 TIMOTÌÙT 1:19

It aike nen, “Wene atì eberogoat,” ìlùk wanharesik, ina'la selek logousak meneat he, hobuk weak hagarì'lùgì atì nen, so ima wula'lak hogo pikerek hak, heia paga atì. Hat atì hake hagatì'lek, ha'la nen, “An weak aike hagatì'lek, na'la selek welagì,” ìlùk hetaùken Ala oba hìpìrethìlìk homamerogo hagatì logoino,

1 TESALONIKA 3:5

Atì nenat, at Ibilit nina'la kagalherek mene a'nogo nen hina'la kagak wesumo, nit en hit hesik set kalogo hagatì logagu a'nogo tùlemat alema'lasusak atì nabìt e, ìlùk nalabut hìrogo logolìk, netaùken sebelusak mea agama re, “Inetaùken Karìsùt oba hìpìrìgat werek a? Lek a,” ìlùk at Timotìùt en hinoabùt palìk he, yogonesi wesuagalùk, hinoba lakhei wagì atì.

KOLOSE 2:7

hinomaken Yesùt oba ning hogo yakhìlìk he, hinetaùken at oba katok hogo hìpìrethìlìk, hinom hutik logolìk he, hinetaùken wurik ago motok logolìk, Ala hai wato motok logoino o.

KALATIA 3:4

Ala nen obogat atì'nogo hagathinapenem hasigip mene atì, we tùlemat alema'lasusak nogo? Mea o.

KALATIA 3:1

Hit apùnì o Kalatìa mene hinetaùken lek hagati lagep atì rì! Yesùt Karìsùt ebe e ba menhìlìk wasukwa wene a'nogo hineilhanemat sekek hogo yakùlhisasugu meneat he, wene hobuk sa nen hina'la kagalhomo atì'nogo hagatì lagep.

1 KORÌTÙT 15:2

Hano wene yogohisa wagagi wene atìat hineki ning hogo hesogo logogun halok he, atì baat telhinabì'logo. Atì'nogo meneat he, hit we tùlemat alemarogo hinetaùken Ala oba hìpìrethesigisip welagep halok he, mea o.

YOHANET 15:6

Nen, hele ekisok palogo laksagarek mene pùk aganem he, apùnì nen nomologo hìlìk etumo po laksikenem etu nikerek atì hak, at sa nen an neperak hutik lek, kopolek halok he, atì'nogoat palogo lakhoumo ebe etu negein o.

YOHANET 15:2

Hele ekisok ebe lopok, an noba hutik logolìk eken ìtì'lek halok, tek hogo laksegein o. Meneat he, ekisok ebe lopok eken ite halok he, aike inom hogo ìtì logouagalùk obùseka palogo wusa yogoligin o.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

1 KORÌTÙT 13:2

Nen, Ala ane hano motok yogoisìgìk, wene apùnì inamùn elema hinago welagarek mene atì obogat nelu agìk, yì wene tì wene aike obogat neluat welagìk, netaùken Ala ba motok hìpìrethìlìk he, tom aike obùlù'mo nen tukwak hogo wele'ma wo'laka loagalùk yogosusak elok welagìk, ìkì logolìk meneat he, apùnì aike inebe netawìrogo logogin lek halok he, we tùlemat ìkì logousak o.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

LUKAT 8:12

Kwe ebekalem pisike atì ebe re, it apùnì aike Ala ane inasuk holharesik, eberogoat ìlùk wanhenem, Ala nen inebe telinabinogo ìlùk, Ibilit wagaresik he, wene ina'la nen henogo wolok lagarek atìat o.

LUKAT 8:14

Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.