LUKAT 8:12 - Ala Ane Wene Ket Mene Warogo Wo'ninapike Wene

¹² Kwe ebekalem pisike atì ebe re, it apùnì aike Ala ane inasuk holharesik, eberogoat ìlùk wanhenem, Ala nen inebe telinabinogo ìlùk, Ibilit wagaresik he, wene ina'la nen henogo wolok lagarek atìat o.

LUKAT 8:12 ပူးပေါင်းရင်းမြစ်များ

MAREKÙT 4:15

Nen, awì heik aike ebekalem lakhesike atì ebe re, it apùnì aike nen Ala ane inasuk holharesi'mo nen, Ibilit hageat wagaresik he, wene inetaùkenma yago mene atì henogo wolok lagarek o.

MATÌÙT 13:19

Awì heik aike ebekalem lakhesike atì ebe re, it apùnì aike Ala awe a'ma hisikerek wene atì inasuk holharesigat he, ebe tùkùm hogo hùthìgì'lek halok, at oabùt weak mene a'nogo wagaresik he, wene inetaùkenma awì yago mene atì henogo helalùk lagarek atìat o.

LUKAT 8:5

“Ap aike yabu waganogo awì yaterek mene awì heik lakheigìlùk wùlìpike. Wùlìpikesik, heik lakhìlìk laganem he, eken aike kwe ebekalem pìlìk lagaike. Atì'nogo pikenem apùnì laga logolìk he, inesok en al lebelogo hìlìk lagaukwama re, sùe purogo nikerek mene wìrìk heleleng hogo nasike.

MATÌÙT 13:4

Wùlìpikesik, heik lakhìlìk laganem he, eken aike kwe ebekalem pìlìk lagaike. Pikenem he, sùe wìrìk heleleng hogo motok nasike.

LUKAT 8:11

Atì'nogo yogoisasikesik he, hobuk aike mel yogoisasike: “Wene oba lìrogo yogohisìgì a'nogo ebe yì. Heik lakhìlìk lagaike ìgì a'nogo re, ebe Ala ane atìat o.

LUKAT 8:13

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.