LUKAT 8:1 - Ala Ane Wene Ket Mene Warogo Wo'ninapike Wene

¹ At Yesùt atì'nogo hagasikesik he, welagì'legat, hobuk Ala awe a'ma hisikerek wene a'nogo, o sili hùkokwe hamùlùkkwe yogoisìlìk nìkì lagaike. Yogoisìlìk nìkì logolìk, at agoromì mene inebe 12 en amanogo mel,

LUKAT 8:1 ပူးပေါင်းရင်းမြစ်များ

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

LAKSASIKE 13:32

Ma re, yogotak nit en wene hano wene atì, hit yogohisa wago yì. Ala nen he, Tì'nogo wokhisegein, ìlùk ninopalak wene warisasike atì ebe re, o yogotak nit it en tagomakwe mene welago ya ba Yesùt at wo'nisasikomo wasukwama wa'lagaikomo re, Ala nen eluguthesike atì. Atì'nogo hagasigìlùk, wene Masimùt nomor 2 ba, mel isike: Hat an naput o. Hebe yogotak takhapì, ìlùk isikomo re, helal waganogo hesukwa higit hogoat haga'laga o.

LUKAT 4:18

“It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

MAREKÙT 1:39

Yogoisasikesik he, o Kalilea tokwe apùnì Yahuri mene sapan egarek obakwe kìlìk he, wene hano wene a'nogo yogoisìgìk, mokareke inoabùt weak mene apùnì ina'la kìlìk were'ma henogo wulaksìgìk, ìlùk laga lagaike.

MATÌÙT 13:19

Awì heik aike ebekalem lakhesike atì ebe re, it apùnì aike Ala awe a'ma hisikerek wene atì inasuk holharesigat he, ebe tùkùm hogo hùthìgì'lek halok, at oabùt weak mene a'nogo wagaresik he, wene inetaùkenma awì yago mene atì henogo helalùk lagarek atìat o.

MATÌÙT 11:1

It ap Yesùt ane wanhì lagaukwa mene inebe 12 nen amanogo inasuk atì'nogo warogo hisalùk he, apùnì inawì sili lopok wene hano wene a'nogo yakùlisìgìk, inasuk watìk, igìlùk he, o atom nenat lagaike.

MATÌÙT 9:35

At Yesùt o sili hùkokwe, hamùlùkkwe, ya kìgìk, ta kìgìk, nìkì logolìk, o sapan egarek obakwe kìlìk he, hano wene ninopase Ala nen awe a'ma hinikerek wene a'nogo yakùlisìgìk, yì ou tì ou inoba werek mene mel, inomame lek maben mene mel, hano hagarinapìk, ìlìk nìkì lagaike.

LUKAT 1:80

Nen, at Sakaria aput a'nogo ebe alùge arìk etaùken motok wurik agaikesik, apùnì Isirael mene oan eileken isa lagì'lek logolìk he, leimo apùnì motok le'ma atoma welagaike.

LUKAT 9:6

it agoromì amanogo lagaukwa. Laga logolìk he, o atoma o sili lopok hano wene a'nogo yogoisìgìk, o ya ta ou hagarinapìk, ìlìk lagaukwa.

LUKAT 20:1

Hobuk ineki aike sapùl he, at Yesùt Ala awì wùrì'mo kisikesik logolìk, apùnì wene hano wene sekek hogo yakùlisìgìk, inasuk watìk, ikenem, it ap Ala esewerek inogogì kaintek mel, Ala ane helal waganek esewerek mene mel, inalùgetek amanogo mel, inom at Yesùt oba wagaukwa.