LUKAT 7:47 - Ala Ane Wene Ket Mene Warogo Wo'ninapike Wene

⁴⁷ Atì'nogo hagate atì nen he, an nen hat aike yogohesik. At he yì nen weak apigat hagaterek meneat he, at a'la nen he, Yesùt en sagalogo legetsikomo, ìlùk hùkorogo etawì'nape atì ba enagat haga'laga o. It apùnì weak hamùlùgat hagarì'lùgì mene, Ala nen sagalogo legetsikenem, we hamùlùgat negen inetawìratarek o,” ìlùk yogosikesik he,

LUKAT 7:47 ပူးပေါင်းရင်းမြစ်များ

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

1 YOHANET 3:18

Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.

KALATIA 5:6

Atì nen he, nit Karìsùt Yesùt ninom hutik logolìk, ninogat ninekalìma mene palek mene lek, it aike pale'lek mene lek, ninom higit welago. Halok, atì hesik penesusak lek. We, esin he, ninetaùken Karìsùt oba hìpìrìk logolìk, apùnì aike ninetawìrinaporek atì ba enagat arì'logo.

ÙRÙM 5:20

Mene re, at aike weak hagasikesik oba Ala ane sagalogo weak hagatarek mene ekin asuagalùk, Ala nen wene ninasuk wasike wene hobuk wo'nisasike. Weak hagatarek atì wìalarìk laga kolegat he, Ala oabùt hano nen etawì'ninaperek atì, yì mene tì mene oba hilarogo nekarek hak, etawì'ninapenem hùkorogo wìalarìk lagarek atì.

EPESÙT 6:24

Hit ninoe Etagepogot Yesùt Karìsùt kopologo hebìgì'lek, hinetawì motok logogun mene hùgì obogat, Ala oabùt hano a'nogo nen hakhisek logouak o.

1 YOHANET 5:3

Nit Ala nen ta'ninape mene hùgì ninebe lopok en he, “Ala ane atì eberogoat,” ìlùk ninetaùken at oba hìpìrethogorek atì ba, it apùnì kweangma mene inoabùt inesogat logolìk weak hagatarek mene atì mabenetsìlìk ninomame agorek atì. Atì'nogo mabenetsìlìk ninomame agorek atì nen, wene Ala nen ninasuk wasike wene atì ekin lek, seweak o. Atì nen he, nit en, “Ala ebe ninetawì welago,” ìlùk u hak he, at en wene ninasuk wasike wene atì hologo higit hogo hagatì logouok o.

1 TIMOTÌÙT 1:14

Ati re, at ninoe Etagepogot Karìsùt Yesùt oabùt hano nen hùkorogo etawì'napike atì, noabùt he, at inom hutik logolìk hagatarek hagat, netaùken at oba hìpìrethìgìk, apùnì aike netawìrinapìk, hùkorogoat ìkì logouagalùk, nebe wo'napike atì.

PILIPI 1:9

An nen sapan hit hesik ìkì logolìk, mel ìkì lagì: “Yì mene tì mene awì yatenem ero hùko arìk wùlùperek hak, hit ebe wene tùkùm hogo hinelu agìk, hùthìgìk, ìkì logolìk, apùnì inebe hinetawìrogo welagep atì mene hùkorogoat hinetawìrinapì logouageip en,” ìlùk, sapan ìkì lagìat o.

LAKSASIKE 5:31

Eluguthikomo werek atì, apùnì Isirael mene weak hagarì'lùgì mene atì heraksìlìk inoabùt hebelasumo re, Ala nen it weak hagatarek mene atì sagalogo legetsagalùk, Yesùt ebe eluguthikesik he, at ebe ninoe Etagepogot logolìk telninapì logouagalùk era'lu menhikomo werek atì.

1 YOHANET 1:7

Atì'nogo meneat he, Ala ebe lìa ba welagarek atì hak, nit hogo re, lìa ba logolìk, hano hagatì lago halok, nit-nit nagaiyak-hagaiyak ninom hutik were'ma, nit weak hagatenem at aput Yesùt amep oba ho'ninapo motok welagarek o.

LUKAT 7:39

Atì'nogo hagatenem, ap Parisi mene nen, “Yesùt, sùpùrùk neperak nùok,” ayoko hesike mene a'nogo a'la nen mel akasike, “Ap yì Ala ane yogoisikerek mene logoilepma re, He yì weak hagaterek mene nen haga'nape, ìlùk enagat hùtheilep,” ìlùk a'la akikenem,

MATÌÙT 10:37

Nen, an he, hinabìt negen akìkì logolìk he, hinopase hinagosalak hinetawì welagep halok he, an nagoromì asusak lek o. Nen, an hinabìt negen logolìk hinagainapùrì mel, hina'logomì mel, hinetawì welagep halok he, an nagoromì asusak legat o.

2 KORÌTÙT 5:14

At Karìsùt nit ninebe etawì'ninaperek atì nen ha'nisek welagarek. At aligat nit obogat hesik wa'lagaike atì. Halok he, nit obogat wa'lagaguat o, ìlùk hùthìkì lago.

LUKAT 7:46

Nen, hat en amusu an nùkùl oba aike wathanhen lek meneat he, he yì nek he, amusu obasi hano mene nesok oba wathanhe o.

LUKAT 7:48

at he a'nogo mel yogosike: “Weak hagatì lagen mene atì, arat sagalogo legetsìgì o,” ìlùk yogosike.