LUKAT 7:39 - Ala Ane Wene Ket Mene Warogo Wo'ninapike Wene

³⁹ Atì'nogo hagatenem, ap Parisi mene nen, “Yesùt, sùpùrùk neperak nùok,” ayoko hesike mene a'nogo a'la nen mel akasike, “Ap yì Ala ane yogoisikerek mene logoilepma re, He yì weak hagaterek mene nen haga'nape, ìlùk enagat hùtheilep,” ìlùk a'la akikenem,

LUKAT 7:39 ပူးပေါင်းရင်းမြစ်များ

LUKAT 7:16

Atì'nogo hagasikomo, apùnì apik amanogo inayùk arìk he, Ala hogoratì logolìk, mel isukwa: “Ap kain Ala ane yogonisìkì logogin mene aike ninekele'ma nen weinam aga yì! Ala nen againapùrì telninabigìlùk waga o!” ìlùk isukwa.

LUKAT 15:2

Atì'nogo wagaukwa mene re, it ap Parisi mene mel, it ap Ala ane helal waganek esewerek mene mel, ineileken isìlìk he, inane ngùlùk-habuk ìkì logolìk he, mel isukwa: “Ap yì nen apùnì weak hagarì'lùgì mene woginaperesik sùpùrùk inom omakìma nekarek atì, nayùk e!” ìlùk isukwama re,

YOHANET 9:24

Atì'nogo isukwama, it en he, ap alebat eileken mùmat ta'lagaikesik welagaike mene a'nogo hobuk, “Eme,” ìlùk waesukwama wagaikomo re, mel yogosukwa: “Ap atì ebe weak hagaterek mene nit ninelu atì nen he, hat hokawerek en hane eberogoat Ala etage hopuk palogo yogonisan o,” ìlùk yogosukwama,

YOHANET 7:12

it apùnì apik amanogo inasuk holhukwasik he, inane sami-samok ìkì logolìk, it aike nen he, “At he, hano,” ikenem he, it aike nen he, “Lek o. At he, weak. Apùnì lalinabì'logo,” ìlùk isukwa.

YOHANET 4:19

Atì'nogo pak hogo yogotì lagaikomo, at he a'nogo nen, at mel yogosike: “Eige. Noe. Hat hebe re, eberogoat Ala ane yogoisegetek mene hìgì, ìlùk arat hùthagagì o.

LUKAT 18:4

Atì'nogo yogosi waganem he, ap kain a'nogo nen ebalep ane holhì'lek abìt hìkì lagaike meneat he, hobuk a'la ebetì logolìk he, An noabùt he, Ala nayù'legat logolìk, apùnì agauk hogo netawìrinapìrek lek meneat he,

LUKAT 16:3

Atì'nogo yogosikomo, at atitigeke a'nogo a'la nen he, Noe nen, An naua logolìk nagarok hesogo logogin lek. Wulakhagagin, ike atì, an kì'nogo hagasigin. Wulakhanhe halok, an yabu helìkì logousak he, neki maben. Nen, nape kìno weak yogoisìlìk nìkì logousak he, nekalì.

LUKAT 7:37

Hù'lagaikesik, sùpùrùk niko were'ma, he o sili atoma mene aike weak hagateresi'mo abok apùnì inelu mene, apùnì nen, “Yesùt o a'li logolìk sùpùrùk nìlì'logo,” ìlùk isukwama asuk holhikesik he, amusu obasi hano mene oko apik palogo isoak helep etage pualam mene hagarek oba a'la hinago wolok wagaike.

LUKAT 3:8

Halok he, hina'la ebethìlìk, weak hagatì lagep mene heraksìlìk hinepe eberogoat hebelaga ìlùk enagat asuak en higit hogo hagatì logoino o. Nen, hina'la nen he, Aberaham atì nit ninopase, ìlùk akagùp o. At Ala nen Aberaham againapùrì negen haga'lasuagalùk helep yì mene elok hagasusagat o, ìlùk yogohisìgì atì.

LUKAT 12:17

at ap a'nogo a'la nen he, Awì yatì mene ebe eken apik ìte atì, ebe palogo hegein oba obùlùk lek yoma, nìkì'nogo hagasigin, ìlùk, a'la ebetì lagaike.

MATÌÙT 20:16

Atì'nogo yogosike, atì hak he, it hobuk mene atì ebalep asugun o. Nen ebalep mene atì hobuk asugun o,” ìlùk yogoisasike.

MATÌÙT 21:11

it apùnì logolek amanogo nen he, “Yì Yesùt Ala ane yogoisikerek mene, awì o Kalilea tokwe kota Nasaret mene a'nogo waga yì o,” ìlùk, yogoisasukwa.

LUKAT 7:38

Wolok wagaikesik ouma kìlìk he, Yesùt esok okutmo apotma horok-horok wagaikesik he, atoma metek logolìk le aga lagaike. Le aganem eil amusu Yesùt esok oba pisikomo re, esi ba hobuk horasike. Horarik he, esok oba hai ape saluk wasikesik he, amusu obasi hano mene wolok wagaike a'nogo Yesùt esok oba wathesike.

LUKAT 7:40

at Yesùt en he, mel yogosike: “Simon. An wene aike yogohesigin,” ìlùk yogosikomo at en he, “Noe. Yogonom o,” ìlùk yogosikomo,