LUKAT 7:38 - Ala Ane Wene Ket Mene Warogo Wo'ninapike Wene

³⁸ Wolok wagaikesik ouma kìlìk he, Yesùt esok okutmo apotma horok-horok wagaikesik he, atoma metek logolìk le aga lagaike. Le aganem eil amusu Yesùt esok oba pisikomo re, esi ba hobuk horasike. Horarik he, esok oba hai ape saluk wasikesik he, amusu obasi hano mene wolok wagaike a'nogo Yesùt esok oba wathesike.

LUKAT 7:38 ပူးပေါင်းရင်းမြစ်များ

YAKOBÙT 4:9

Hina'la weak arìk, lì agìk, le agìk, ìkì logoino o. Atì'nogo ìkì logolìk, eto aga lagep mene atì, le aga logoino o. Nen, hina'la hai hakìkì lagep mene atì, hina'la weak arìk logoino o.

LUKAT 6:21

Nen, hit yogotak hina'la nele negen welagep mene hùgì, hobuk wokhisikenem hinalabut ning hogo nogoin atì nen he, hina'la hai hakìkì logoino o. Nen, hit le aga lagep mene hùgì, hobuk eto asugun atì nen he, hina'la hai hakìkì logoino o.

MATÌÙT 5:4

Nen, apùnì ina'la wiik-weak hogo welagaikarek mene atì, Ala nen inetaùken sebeligin atì nen he, ina'la hai hakìkì logousak o.

LUKAT 22:62

A'la ebethùlùk eta'ma wùlìpikesik he, le motok apik etawì hìt-hìt le agaike.

LUKAT 7:37

Hù'lagaikesik, sùpùrùk niko were'ma, he o sili atoma mene aike weak hagateresi'mo abok apùnì inelu mene, apùnì nen, “Yesùt o a'li logolìk sùpùrùk nìlì'logo,” ìlùk isukwama asuk holhikesik he, amusu obasi hano mene oko apik palogo isoak helep etage pualam mene hagarek oba a'la hinago wolok wagaike.

LUKAT 7:39

Atì'nogo hagatenem, ap Parisi mene nen, “Yesùt, sùpùrùk neperak nùok,” ayoko hesike mene a'nogo a'la nen mel akasike, “Ap yì Ala ane yogoisikerek mene logoilepma re, He yì weak hagaterek mene nen haga'nape, ìlùk enagat hùtheilep,” ìlùk a'la akikenem,

YOHANET 11:2

He Maria atì ebe re, hobuk amusu obasi hano mene ninoe Etagepogot Yesùt esok oba wasikesik esi ba horasike mene a'nogo. Atì'nogo inaua were'ma ineki aike sapùl he, at Lasarùt oba ou hùnesikomo re,