LUKAT 7:37 - Ala Ane Wene Ket Mene Warogo Wo'ninapike Wene

³⁷ Hù'lagaikesik, sùpùrùk niko were'ma, he o sili atoma mene aike weak hagateresi'mo abok apùnì inelu mene, apùnì nen, “Yesùt o a'li logolìk sùpùrùk nìlì'logo,” ìlùk isukwama asuk holhikesik he, amusu obasi hano mene oko apik palogo isoak helep etage pualam mene hagarek oba a'la hinago wolok wagaike.

LUKAT 7:37 ပူးပေါင်းရင်းမြစ်များ

LUKAT 5:32

An wagagi atì re, apùnì hano hagatarek mene inayoko heigìlùk wagagi hùk. Lek o. We, apùnì weak hagatarek mene atì heraksìlìk inoabùt hebelasuagalùk, inayoko heigìlùk wagagi o,” ìlùk yogoisasika.

MATÌÙT 21:31

Halok he, hit hina'la nen he, it ap inebe pìre atem sa hak en inopase a'la akasike higit hogo hagasike akegep,” ìlùk, yogoisasikomo, it en he, “Atì aput hobuk mene atì nen hagasike,” ìlùk yogosukwama, at Yesùt en he, “Halok he, an nen wene aike eberogoat yogohisak. Hit oan werek kolek he, it ap uang pemerìntah hesik kìno ìlìk atogotarek mene mel, hìmì yùgùnat yanani nìlìk negarek mene mel, it atì tak Ala awe a'ma hisikere'ma atoma kugun o.

1 PETERÙT 4:18

Apùnì nen Ala ane ba mel isukwa: “Apùnì higit hogo hagarì'lùgì mene, Ala nen telinabusak lek hake were'ma, telinabigin atì halok, it Ala ebe ina'la meathìlìk weak hagarì'lùgì mene atì nìkì'nogo hagarinabigin akegep,” ìlùk helal waganogo hesukwa.

1 TIMOTÌÙT 1:9

Eberogoat he, wene Ala nen ninasuk wasike wene atì, apùnì higit hogo hagatarek mene hesik isike hùk. We, apùnì inasuk ware'lek holùhùk hagatarek mene mel, Ala inabìt logolìk weak hagatarek mene mel, inebe Ala hesik hisìgì'lek Ala ane sagalogo hagatarek mene mel, inopase inagosalak inebe motok inoatarek mene mel, apùnì aike yùgùnat inebe motok inoatarek mene mel,

LUKAT 18:13

at ap uang pemerintah hesik kìno ìlìk atogoterek mene a'nogo nek he, ebe walegat metek logolìk ot hiok hogo eileken pogot oba higit lìakhìgì'lek ayùk hogo logolìk, eki nen etaùken hothìkì logolìk he, mel isike: Ala nopase e! An weak hagatìrek mene yì, hetawì nean o, ìlùk yogosike.

LUKAT 5:30

Atì'nogo niko were'ma, it ap Parisi mene mel, it ap Ala ane helal waganek esewerek mene mel en, at Yesùt agoromì ane wanhì lagaukwa mene amanogo mel yogoisasukwa: “Hit he, ap uang pemerintah hesik kìno ìlìk wanharek mene mel, it aike weak hagarì'lùgì mene mel, hinom sùpùrùk omakìma nìkì lagep aroma nenahalok,” ìlùk yogoisasukwa.

ÙRÙM 5:8

Atì'nogo meneat he, at Ala ninebe etawì nen hagaterek atì enagat asuagalùk, nit weak hagato were'ma, Karìsùt ebe wo'nisasikomo ninobùlù'mo wa'lagaike atì.

YOHANET 11:2

He Maria atì ebe re, hobuk amusu obasi hano mene ninoe Etagepogot Yesùt esok oba wasikesik esi ba horasike mene a'nogo. Atì'nogo inaua were'ma ineki aike sapùl he, at Lasarùt oba ou hùnesikomo re,

1 TIMOTÌÙT 1:15

Apùnì weak hagato were'ma Karìsùt Yesùt en ninebe telninabigìlùk kweangma yoma pi wagaike ìlùk ìgì atì, apùnì nen he, “Wene atì eberogoat,” ìlùk tùkùm hogo wanusak mene. Apùnì aike weak hamùlùgat negen hagatarek meneat he, an enek he, weak hùko motok hagatì lagagi atì.

YOHANET 9:31

Apùnì weak hagatarek mane Ala nen inane asuk holherek motok lek atì, nit ninelu o. We, apùnì Ala inayùk hogo logolìk, at a'la akikerek mene higit hogo hagatarek mene halok, inane Ala asuk holherek o.

YOHANET 9:24

Atì'nogo isukwama, it en he, ap alebat eileken mùmat ta'lagaikesik welagaike mene a'nogo hobuk, “Eme,” ìlùk waesukwama wagaikomo re, mel yogosukwa: “Ap atì ebe weak hagaterek mene nit ninelu atì nen he, hat hokawerek en hane eberogoat Ala etage hopuk palogo yogonisan o,” ìlùk yogosukwama,

LUKAT 19:7

Eperak laganem, it apùnì aike obogat en ineileken lagisìlìk, ua palogo inane ngùlùk-habuk inabok palhì logolìk he, mel isukwa: “Yesùt he, ap weak hagarì'logo mene a'nogo aua eperak nogo i lùogolùk lìlì'lùgì atì nayùk e!” ìlùk isukwa meneat he,

LUKAT 7:34

Meneat he, an abat ta'lasi wagagi a'nogo nek he, sùpùrùk mel, anggur eken amusu mel, yùgùnat nìlìk wagagisi'mo nogo nen he, hit en he, Lakhani! Ap yì re, sùpùrùk mel, anggur eken amusu mel, apelalok weak nìkì logolìk he, ap pemerintah mene hesik uang kìno ìlìk wanharek mene mel, ap weak hagatarek mene mel, hùnethakìlìk niko yì hani? ìlùk yogonetì lagep.

LUKAT 7:36

At Yesùt en atì'nogo yogoisasikesik were'ma re, ap Parisi mene aike etage Simon, Yesùt eperak sùpùrùk at aua nùogolùk ayoko hesike. Ayoko hesikomo aua kìlìk eperak sùpùrùk nùogolùk, hù'lagaike.