LUKAT 7:34 - Ala Ane Wene Ket Mene Warogo Wo'ninapike Wene

³⁴ Meneat he, an abat ta'lasi wagagi a'nogo nek he, sùpùrùk mel, anggur eken amusu mel, yùgùnat nìlìk wagagisi'mo nogo nen he, hit en he, Lakhani! Ap yì re, sùpùrùk mel, anggur eken amusu mel, apelalok weak nìkì logolìk he, ap pemerintah mene hesik uang kìno ìlìk wanharek mene mel, ap weak hagatarek mene mel, hùnethakìlìk niko yì hani? ìlùk yogonetì lagep.

LUKAT 7:34 ပူးပေါင်းရင်းမြစ်များ

LUKAT 15:2

Atì'nogo wagaukwa mene re, it ap Parisi mene mel, it ap Ala ane helal waganek esewerek mene mel, ineileken isìlìk he, inane ngùlùk-habuk ìkì logolìk he, mel isukwa: “Ap yì nen apùnì weak hagarì'lùgì mene woginaperesik sùpùrùk inom omakìma nekarek atì, nayùk e!” ìlùk isukwama re,

YOHANET 12:2

Wagaikomo, it apùnì atoma nen aganeke isasukwama, he Mareta nen sùpùrùk sùpùrisiko kolek, Lasarùt mel, apùnì inayoko hesukwa mene mel, Yesùt inom nasukwa.

LUKAT 19:7

Eperak laganem, it apùnì aike obogat en ineileken lagisìlìk, ua palogo inane ngùlùk-habuk inabok palhì logolìk he, mel isukwa: “Yesùt he, ap weak hagarì'logo mene a'nogo aua eperak nogo i lùogolùk lìlì'lùgì atì nayùk e!” ìlùk isukwa meneat he,

LUKAT 14:1

Atì'nogo yogoisasikesik he, ineki sabìt oba aike, Ala hesik welegat logolìk he, Yesùt ap Parisi mene inogogì kaintek omakeat aike aua sùpùrùk eperak nùogolùk lagaikesik were'ma, apùnì nen, at Yesùt ineil tùkùm hogo wanhì lagaukwa.

LUKAT 7:36

At Yesùt en atì'nogo yogoisasikesik were'ma re, ap Parisi mene aike etage Simon, Yesùt eperak sùpùrùk at aua nùogolùk ayoko hesike. Ayoko hesikomo aua kìlìk eperak sùpùrùk nùogolùk, hù'lagaike.

LUKAT 5:29

Lagaikesik he, at aua Yesùt aganeke apik isasike. Atì'nogo isakhìlìk he, apùnì apik uang pemerintah hesik kìno ìlìk wanhì lagaukwa mene mel, apùnì he'nakìt mel, at inom hù'larìk sùpùrùk omakìma nìkì lagaukwa.

MATÌÙT 9:11

Atì'nogo niko were'ma, it ap Parìsi mene nen ineileken kelagisìlìk he, it ap Yesùt ane wanhì lagaukwa mene amanogo mel yogoisasukwa: “Hit hinoe wene yakùlhisìlì'logo mene arì, it ap uang pemerìntah hesik kìno ìlìk wanharek mene inom, it aike weak hagarìk negarek mene inom, sùpùrùk omakìma nìlì'lùgì yì nahalok,” ìlùk yogoisasukwa.

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

LUKAT 11:37

Yesùt en wene atì yakùlisiko were'ma, ap Parisi mene aike nen Yesùt mel yogosike: “An were'ma sùpùrùk neperak na lùok en eme o,” ìlùk ayoko hesike. Ayoko hesikomo, lagaikesik aua kìlìk he, sùpùrùk nùogolùk hù'lagaukwa.

MATÌÙT 5:46

Nen, it apùnì aike nen, hit inetawìthinaparek mene atì nek hit en hinetawìrinapì lagep halok he, Ala nen oko wokhisegein nogo? Lek o. Atì hak he, it ap pemerìntah mene hesik uang kìno ìlìk atogotarek mene nen inoabùt atì'nogoat hagatarek o.

MATÌÙT 11:19

Mene re, an abat ta'lasi wagagi a'nogo re, sflpimik mel, anggur eken amusu mel nìlìk wagagisi'mo re, apùnì nen nabok ìkì logolìk, Sùpùrùk mel, anggur eken amusu mel, apelalok weak nìlì'logo yì, ap pemerìntah hesik uang kìno ìlìk wanharek mene inom, weak hagarìk negarek mene inom, inom hùnethakìlìk niko yì hani! ìlùk ìlì'lùgì atì re, Ala etaùken kagauk hogo hagaterak atì nen he, hanoratenem ineileken hìlìk, Higit, ìlùk hùthogoinat o,” ìlùk yogoisasike.

LUKAT 7:33

At Yohanet ima pelaginaperek mene wagaike atì re, sùpùrùk mel, anggur eken amusu mel, nìkì'lek wagaikesi'mo nogo nen he, hit en: Mokareke oabùt weak mene a'la kikesik werek o, ìlùk ìkì lagagip.

LUKAT 7:35

Atì'nogo meneat he, at Ala a'la kagalek logolìk hagaterek a'nogo, it aike nen hano akìlìk, atì'nogo higit hogo hagatì logogun halok, atì higit ìlùk hùthogoinat o,” ìlùk, yogoisasike.