LUKAT 7:19 - Ala Ane Wene Ket Mene Warogo Wo'ninapike Wene

¹⁹ mel yogoisasike: “Ap aike wesigin ìkì lagaukwa a'nogo harat a? Ì a, at he, ap hùnogoat mene aike serogo logogun a, ìlùk yogosi lani o,” ìlùk, ninoe Etagepogot oba laksa wagaike.

LUKAT 7:19 ပူးပေါင်းရင်းမြစ်များ

YOHANET 4:25

Atì'nogo yogosikomo, at he a'nogo nen he, mel yogosike: “Apùnì telninabuagalùk Ala nen kain etage Karisùt atì lakhei wesigin. Lakhei waganem ebe wìrìk he, yì wene tì wene obogat nit yakùlnisìkì logogin ìlùk an nelu o,” ìlùk yogosike.

LUKAT 10:1

Atì'nogo yogoisasikesik he, ninoe Etagepogot en ap inebe 70 nen weteberogo hisìlìk he, at okawerek ya ta o sili lopok lagalùk a'la akasike obakwe lopok, it atì tak alebagìk inebe pìretek lopogothìgìk laksasike.

MAREKÙT 6:7

Atì'nogo yakùlisìlìk nìkì logolìk he, ap inebe 12 nen amanogo waisasikomo wagaukwama re, inebe pìretek wùrethìgìk laksagalùk inayoko hìlìk he, mokareke oabùt weak mene apùnì ina'la kìlìk were'ma henogo wulaksìlìk loagalùk he, at omame wogisasike.

LUKAT 7:13

eileken lagisasike. Lagisìlìk he, ninoe Etagepogot en he, he soge a'nogo eileken hìlìk he, etawì arìk he, mel yogosike: “Nerei. Le aga hùk o,” ìlùk yogosikesik he,

LUKAT 7:20

Laksa wagaikomo, Yesùt oba wagaukwasik he, mei yogosukwa: “Ninoe. At Yohanet ima pelaginaperek mene a'nogo nen he, Ap aike wesigin ìlùk ìkì lagaukwa a'nogo harat a? Ì a, at he, hùnogoat mene aike serogo logogun a, ìlùk, oba hinok wani lani, ìlùk lakhina wagama wago,” ìlùk yogosukwa.

LUKAT 11:1

Ineki aike sapùl he, at Yesùt o ninmo logolìk, sapan ìkì lagaike. Sapan arat isikomo nen he, at agoromì ane wanhì lagaukwa amanogo mene aike nen he, mel yogosike: “Noe. At Yohanet en, at agoromì ane wanhì lagaika mene sapan hagatì logouagalùk yakùlisìkì laga atì hak he, nit hogo atì'nogoat sapan ìkì logouagalùk aike yakùlnisan o,” ìlùk yogosikomo,

LUKAT 11:39

Atì'nogo isikomo re, at ninoe Etagepogot Yesùt en mel yogosike: “Hit ap Parisi mene hinageisoak atì mel, piring atì mel, we, etakwe nek hanorogo sobalhì lagep meneat he, a'lakwe apùnì inagarok hineki abusak helegesep mene atì mel, yì weak tì weak hagatesep mene atì mel, hina'la motok apik peserek werek atì kolo o!

LUKAT 12:42

at ninoe Etagepogot Yesùt en he, mel yogosike: “Ap kain mene aike againapùrì serisek logolìk inapùrùk nasak mene wogisasak higit hogo wogisìkì logouagalùk, at atitigeke mene ayoko hikenem a'la kagalek logolìk oabùt oe ane igin mene higit hogo hagaterek atì sa hake akegen. At atì oe atì nen, menhùlùk lagarek o.

LUKAT 13:15

at ninoe Etagepogot en he, ap a'nogo mel yogosike: “Hit hinogat oba nek hano salek logolìk, hinetaùken pìre mene yì rì! Hit hinebe obogat nineki Ala hesik welegat logolìk meneat he, hinako wam sapi a, keledai a, awì wùrì'mo nen, kwe hùrogo hele hikalogo wulakhìlìk he, i noagalùk wogisek lagasep lek nogo? Wogisek lagasebat o.

LUKAT 17:5

Atì'nogo isikomo, it agoromì laksasike mene amanogo nen he, “Noe e! Ninetaùken Ala oba hipìrethogo mene a'nogo wurik asuagalùk aike inom ninomame'ninabin,” ìlùk yogosukwama,

LUKAT 17:6

at ninoe Etagepogot en he: “Kibi-kìbì magakelak mene heik lakhagarek atì hak, hinetaùken an noba hamùlùgat enek hìpìrethìlìk he, hit en, E yì yoma nen he'nok hogo re, i laut hùko yekele'ma a'loma ya'lasi lan o, ìlùk yogosugun halok he, hinane asuk holiginat o,” ìlùk yogoisasike.

LUKAT 18:6

Atì'nogo yogoisìlìk he, at ninoe Etagepogot Yesùt en he, aike mel yogoisasike: “Ap oabùt kolo logolìk wene apùnì inoba hìgìk, kotìk, ikerek mene ike atì hùthani o.

LUKAT 19:8

at Sakeùt a'nogo melagaikesik he, at ninoe Etagepogot Yesùt mel yogosike: “Noe! An nagarok yì mene tì mene obogat tùlem heirogo mìkìlogo re, it apùnì inagarok lek inelageik mene atì sùpùrisegein. Nen, an nen apùnì napeliak en lalinapi mene halok he, oko neki 4 oba nen hobuk oba louk hogo wogisegein o,” ìlùk yogosike.

LUKAT 22:61

Isikomo re, Yesùt elokwe hebek hogo eileken Peterùt lakhikenem, at Peterùt a'la nen he, mel akasike: “Eigo! At Yesùt en an yogonetì logolìk he, O yogotak sùe ayam ane oan ìgì'lek werek kolek, hat en he, Yesùt nokot o, ìlùk, heki hìnagan oba labeligin, ìlùk yogonete a'nogo ebe arat labelhì yì,” ìlùk a'la ebesike.

LUKAT 24:34

“Yesùt Simon elokoma melagama eileken hike atì, Ala nen eberogoat eluguthikomo werek,” ìlùk wene pìlìngìtenem lagaukwa.

YOHANET 4:1

Atì'nogo hagatì lagaukwama, it apùnì nen he, mel isukwa: “It apùnì inebe hamùlùlgat negen Yohanet agoromì asuogolùk awe a'ma waganem ima pelaginabì'logo meneat he, it aike inebe apigat Yesùt agoromì asuogolùk awe a'ma waganem ima pelaginabì'logo,” ìlùk ikenem, at Yesùt en he, “Wene ati, it ap Parisi mene inasuk holha hìgì,” ìlùk elu agaike.

YOHANET 6:23

hobuk so hunigat mene aike apùnì o etage Tiberiat mene nen warìk, ninoe Etagepogot Yesùt en sapan Ala hai warogo nen sùpùrùk horoti mene sùpùrisasikomo nasukwa ba a'nogo wùlùpukwasik were'ma, ineileken hasukwa.

YOHANET 11:2

He Maria atì ebe re, hobuk amusu obasi hano mene ninoe Etagepogot Yesùt esok oba wasikesik esi ba horasike mene a'nogo. Atì'nogo inaua were'ma ineki aike sapùl he, at Lasarùt oba ou hùnesikomo re,