Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LUKAT 7:13 - Ala Ane Wene Ket Mene Warogo Wo'ninapike Wene

13 eileken lagisasike. Lagisìlìk he, ninoe Etagepogot en he, he soge a'nogo eileken hìlìk he, etawì arìk he, mel yogosike: “Nerei. Le aga hùk o,” ìlùk yogosikesik he,

အခန်းကိုကြည့်ပါ။ ကော်ပီ




LUKAT 7:13
36 ပူးပေါင်းရင်းမြစ်များ  

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.


Kisukwa hak he, apùnì motok apik helekerek a'nogo ware'ma logolìk he, ouak le agìk, inetaùken warìgìk, ikenem kìlìk he, at Yesùt en he, mel yogoisasike: “Le aga hùk o. Helekerek atì wa'lagì'lek. We, nogo ìlì'logo,” ìlùk yogoisasikomo,


Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.


Hùthìgì'lek were'ma, at Yesùt en he, mel yogosike: “He yì nerei e. Hat nenahalok le aga lagen. Nen, hat sa heratì lagen,” ìlùk yogosikomo, at a'la nen he, “Ap yì yabu serogo welagarek mene hìgì,” ìlùk akasike. Atì'nogo akasikesik he, mel yogosike: “Noe. At ebe warek hat wanhetik wolok wele'ma hei lagenma halok he, ebe o koma hei lagenma. An wani lak en he, yogonom o,” ìlùk yogosikomo,


“Nagoromì yì sani. It apùnì logolek yoma ninom nineki hìnagan oba nogo ogosi'mo nogo nen he, inapùrùk motok lek agama, nena mene nogoin heat haga'lagama werek atì nen, netawì nen netaùken hiselhe.


He Maria atì ebe re, hobuk amusu obasi hano mene ninoe Etagepogot Yesùt esok oba wasikesik esi ba horasike mene a'nogo. Atì'nogo inaua were'ma ineki aike sapùl he, at Lasarùt oba ou hùnesikomo re,


“Yesùt Simon elokoma melagama eileken hike atì, Ala nen eberogoat eluguthikomo werek,” ìlùk wene pìlìngìtenem lagaukwa.


Atì'nogo isikomo, it agoromì laksasike mene amanogo nen he, “Noe e! Ninetaùken Ala oba hipìrethogo mene a'nogo wurik asuagalùk aike inom ninomame'ninabin,” ìlùk yogosukwama,


Apùnì aike le arì'lùgì mene halok he, le arì'lùgì lek mene negen logouak. Nen, it aike ina'la hai hakìlì'lùgì mene halok he, hai hakili'lflgl lek mene negen logouak. Nen, it aike yì mene tì mene oko palogo helìlì'lùgì mene atì, ese agì'lek mene negen logouak.


Atì'nogo isasikomo, it en he, mel yogosukwa: “He yì nerei e. Hat nenahalok le aga lagen,” ìlùk isukwama, at en he, mel yogoisasike: “An noe Etagepogot warek apùnì nen wolok o koma hei lagaikama heat ma re, an nokot en le aga lagì o, nerùgì,” ìlùk yogoisasikesik,


at ninoe Etagepogot en he, ap a'nogo mel yogosike: “Hit hinogat oba nek hano salek logolìk, hinetaùken pìre mene yì rì! Hit hinebe obogat nineki Ala hesik welegat logolìk meneat he, hinako wam sapi a, keledai a, awì wùrì'mo nen, kwe hùrogo hele hikalogo wulakhìlìk he, i noagalùk wogisek lagasep lek nogo? Wogisek lagasebat o.


Atì'nogo yogoisasikesik he, ninoe Etagepogot en ap inebe 70 nen weteberogo hisìlìk he, at okawerek ya ta o sili lopok lagalùk a'la akasike obakwe lopok, it atì tak alebagìk inebe pìretek lopogothìgìk laksasike.


mel yogoisasike: “Ap aike wesigin ìkì lagaukwa a'nogo harat a? Ì a, at he, ap hùnogoat mene aike serogo logogun a, ìlùk yogosi lani o,” ìlùk, ninoe Etagepogot oba laksa wagaike.


Nerùgì nagaiya'lak. It apùnì aike nen, “Hano haga'lasigin,” ìlùk ina'la hùthìgì'lek logolìk he, apùnì wa'laganem ina'la weak arì'logo atì hak, hit atì'nogo hina'la weak aga logoinogo ìlùk, wene apùnì wa'larì'lùgì mene atì hesik hinokot logousak atì nabìt. Hinelu asuageip ìlùk tùkùm hogo yogohisak o.


Isikomo re, Yesùt elokwe hebek hogo eileken Peterùt lakhikenem, at Peterùt a'la nen he, mel akasike: “Eigo! At Yesùt en an yogonetì logolìk he, O yogotak sùe ayam ane oan ìgì'lek werek kolek, hat en he, Yesùt nokot o, ìlùk, heki hìnagan oba labeligin, ìlùk yogonete a'nogo ebe arat labelhì yì,” ìlùk a'la ebesike.


Laga lagaukwasik, leget pa'leget kwe ape palek oba asi lagaukwa hak he, yekerek aike ebe aligat tago mene agosa soge were'ma wa'lagaikomo re, apùnì o sili a'nogo mene inebe logolegat yekerek warek e yerogo wolok agosa inom wùlìbi waganem


yekerek warek e yerogo wolok wagaukwa a'nogo era'lu lìlìk he, eki hakasike. Eki atì'nogo hakikenem apùnì nen warek e ye'lùk wagaukwa mene amanogo melagaukwa. Melagaukwama re, at Yesùt en yekerek warek a'nogo yogotì logolìk he, mel isike: “Naput yì! Heluk ame ìlùk yogohetì lagì o,” ìlùk yogosikomo re,


Ineki aike sapùl he, at Yesùt o ninmo logolìk, sapan ìkì lagaike. Sapan arat isikomo nen he, at agoromì ane wanhì lagaukwa amanogo mene aike nen he, mel yogosike: “Noe. At Yohanet en, at agoromì ane wanhì lagaika mene sapan hagatì logouagalùk yakùlisìkì laga atì hak he, nit hogo atì'nogoat sapan ìkì logouagalùk aike yakùlnisan o,” ìlùk yogosikomo,


Atì'nogo isikomo re, at ninoe Etagepogot Yesùt en mel yogosike: “Hit ap Parisi mene hinageisoak atì mel, piring atì mel, we, etakwe nek hanorogo sobalhì lagep meneat he, a'lakwe apùnì inagarok hineki abusak helegesep mene atì mel, yì weak tì weak hagatesep mene atì mel, hina'la motok apik peserek werek atì kolo o!


at ninoe Etagepogot Yesùt en he, mel yogosike: “Ap kain mene aike againapùrì serisek logolìk inapùrùk nasak mene wogisasak higit hogo wogisìkì logouagalùk, at atitigeke mene ayoko hikenem a'la kagalek logolìk oabùt oe ane igin mene higit hogo hagaterek atì sa hake akegen. At atì oe atì nen, menhùlùk lagarek o.


at ninoe Etagepogot en he: “Kibi-kìbì magakelak mene heik lakhagarek atì hak, hinetaùken an noba hamùlùgat enek hìpìrethìlìk he, hit en, E yì yoma nen he'nok hogo re, i laut hùko yekele'ma a'loma ya'lasi lan o, ìlùk yogosugun halok he, hinane asuk holiginat o,” ìlùk yogoisasike.


Atì'nogo yogoisìlìk he, at ninoe Etagepogot Yesùt en he, aike mel yogoisasike: “Ap oabùt kolo logolìk wene apùnì inoba hìgìk, kotìk, ikerek mene ike atì hùthani o.


at Sakeùt a'nogo melagaikesik he, at ninoe Etagepogot Yesùt mel yogosike: “Noe! An nagarok yì mene tì mene obogat tùlem heirogo mìkìlogo re, it apùnì inagarok lek inelageik mene atì sùpùrisegein. Nen, an nen apùnì napeliak en lalinapi mene halok he, oko neki 4 oba nen hobuk oba louk hogo wogisegein o,” ìlùk yogosike.


Hasukwasik, inebe omoulama ki lagaukwa re, at ninoe Etagepogot Yesùt warek ebe le'ma ineileken hasukwa.


Atì'nogo hagatì lagaukwama, it apùnì nen he, mel isukwa: “It apùnì inebe hamùlùlgat negen Yohanet agoromì asuogolùk awe a'ma waganem ima pelaginabì'logo meneat he, it aike inebe apigat Yesùt agoromì asuogolùk awe a'ma waganem ima pelaginabì'logo,” ìlùk ikenem, at Yesùt en he, “Wene ati, it ap Parisi mene inasuk holha hìgì,” ìlùk elu agaike.


hobuk so hunigat mene aike apùnì o etage Tiberiat mene nen warìk, ninoe Etagepogot Yesùt en sapan Ala hai warogo nen sùpùrùk horoti mene sùpùrisasikomo nasukwa ba a'nogo wùlùpukwasik were'ma, ineileken hasukwa.


it hìmì inebe pìre oe agot eperak inerei oba ou atì nen he, Yesùt yogosi loagalùk, apùnì inoba wene warogo laksìkì logolìk he, mel isukwa: “Noe. Lasarùt hetaùken hutik mene a'nogo oba ou himetesik werek o,” ìlùk wene warogo laksasukwama,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ