LUKAT 6:8 - Ala Ane Wene Ket Mene Warogo Wo'ninapike Wene

⁸ Atì'nogo ineil wanho kolek, at Yesùt en ina'la akasukwa mene enagat hùrisìlìk he, ap eki hapelek mene a'nogo mei yogosike: “Hebe mela'lùk he, tùlem ya eme o,” ìlùk yogosikomo, ap a'nogo mela'lùk he, tùlem aremnogo melasi lagaikomo re,

LUKAT 6:8 ပူးပေါင်းရင်းမြစ်များ

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

MATÌÙT 9:4

Atì'nogo akasukwama, at Yesùt en inoabùt enagat palhikesik he, mel isike: “Hit hina'la nen wene kolo mene ebetì lagep atì nahalok.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

PILIPI 1:28

It aike nen he, “Wene atì ninabìt,” ìlùk, iko kolegat he, hit enek he, hinayùk agì'lek ning hogo motok hesogo logoino. Atì'nogo hesogo logogun atì ba, it atì nong asugun ìlùk enagat haga'lagìk, hit telhinabìgìn ìlùk enagat haga'lagìk, Ala nenat hagasigin werek o.

LAKSASIKE 26:26

“Agarìpa noe. Wene yì obogat hat helu atì nen, an hat heilhanem nayù'lek hogo ìkì lagì. Wene atì, o hinagoma haga'lagì'lek. We, weinamma haga'lagaike atì nen, wene atì aike hat hokot welagen, ìlùk na'la akìkì lagì lek o.

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

YOHANET 9:4

aike mel yogoisasike: “Hobuk o mùm asigin o. Atì'nogo mum aganem, apùnì aike nen yì mene tì mene hagasusak mea asigin atì nen he, at lakhani wagaike mene hagaterek mene atì, o yogotak o lìa werek kolek ya baat hagatì logouok o.

YOHANET 2:25

Apùnì ina'la at elu motok welagarek atì nen he, apùnì aike nen, “It aike inoabùt yìgìnìk,” ìlùk, at yogosusak motok mea o.

LUKAT 5:22

Atì'nogo akasukwama, at Yesùt en, it ina'la akasukwa mene enagat hùrisìlìk he, “Hit hina'la atì'nogo akìkì lagep atì nenahalok.

LUKAT 6:9

at Yesùt en apùnì amanogo mel yogoisasike: “An nen wene aike hinok wokhisak. Nineki sabìt oba Ala hesik welegat logolìk, hano hagarinabusak a? Weak hagarinabusak a. Telinabusak a? Inoasusak a. Hit en ini ta,” ìlùk,

MAREKÙT 3:3

Atì'nogo ineil wanho kolek, at Yesùt en he, ap eki hapelek mene a'nogo mel yogosike: “Hebe mela'lùk he, tùlem ya eme o,” ìlùk yogosikomo,

LUKAT 13:12

Atoma were'ma, at Yesùt en, he a'nogo eileken lakhìlìk he, ane hakhasikomo wagaikomo re, mel yogosike: “Nerei e! Hat hoba ou en arat hano asigin. Hele hake homago welagen a'nogo, arat hikalame o,” ìlùk atì'nogo yogorìk he,