LUKAT 6:47 - Ala Ane Wene Ket Mene Warogo Wo'ninapike Wene

^47-48 Sa nen an noba wìrìk nane holheresik higit hogo hagarì'logo mene atì, o wùtarek mene oba lìrogo yogohisak. At atì, ap en o wùtarek atì hakeat o. Ap aike o wusigìlùk kweang a'marogo habulhìlìk en, helep hìlìk he, o tik helep oba louk hogo hìlìk en oebe wùsike. Atì'nogo wùsikesi'mo nen, hobuk i hu hùko waga logolìk o a'nogo warerathasike mene re, motok ning hogo wùsikomo nogo nen he, abolok aike ìgì'lek motok kamo isike.

LUKAT 6:47 ပူးပေါင်းရင်းမြစ်များ

LUKAT 11:28

at Yesùt en he, mel yogosike: “At atì nek lek o. It aike Ala ane atì inasuk holìk higit hogo hagatì logogun halok he, ina'la hai apik hakìkì logouagat o,” ìlùk yogosike.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

YAKOBÙT 4:17

Hit hina'la nen he, “Higit hagasusak he, tì'nogo,” ìlùk hinelu logolìgat he, ebe hagatì'lek halok he, hit weak hagarìk ùkùm hinoba hakìkì lagep o.

MATÌÙT 12:50

Sa nen an nopase pogot oba mene a'la akikerek mene higit hogo hagaterek halok, at atì an nagot, nerei, nagosa werek o,” ìlùk yogosike.

YOHANET 13:17

An nen wene yogohisìgì atì hinelu arìk hagatì logogun halok he, hina'la hai hakìkì logogun o.

1 PETERÙT 2:4

At ebe helep hake eluk welagarek mene ìlùk he, oba we'no. Apùnì nen he, “Helep atì weak,” ìlùk hebisasukwa meneat he, Ala nen he, “Helep yì motok hano meneat,” ìlùk wenago hesike.

IBERANI 5:9

Atì'nogo yakùlhì logolìk, elugùn warogo katok hogo hagasikomo, nit at ane hologo logogun mene hùgì ninebe obogat nineluk moto'-motok logouagalùk at ebe telninapùkwe mene ero hagarogo hesike atì.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.

LUKAT 14:26

“Hit hinopasa hinagosalak mel, hinagagwì hinagainapùrì mel, hinogogì hinagoromì mel, hinebe hinokawerek atì mel, obogat, Motok nabìt o, ìlùk, akìgì'lek logolìk, an nagoromì asuogolùk nawe a'ma ki wesusak mea o.

1 YOHANET 3:7

Nagainapùrì e. It apùnì agaike nen lalhinabi nogo ìlùk hinoabùt hebelogo logoino o. Sa nen oabùt higit hogo hagaterek halok he, at Karìsùt oabùt higit hogo hagaterek atì hagat, hagato werek o.

1 YOHANET 2:29

At Karìsùt Ala aput oabùt hano higit hogo nek hagaterek a'nogo hinelu halok he, hit hina'la nen he, “It apùnì aike inoabùt hano higit hogo hagatarek mene inebe lopok Ala againapùrì hobuk taginapomo werek,” ìlùk hinelu asusagat o.

YOHANET 10:27

Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

2 PETERÙT 1:10

Atì nen he, nerùgì nagaiya'lak. Hinebe Ala nen wenakhinabìk, hinayoko hesike atì re, eberogoat haga'lasuagalùk, hit en akiluk hogo hinomamerogo hagatì logoino. Atì'nogo hagatì logogun halok, hinetaùken Ala ha hìpìrìk mene heraksalùk wùlùbugun lek o.

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

YOHANET 6:35

at en he, mel yogoisasike: “Sùpùrùk inelugurinapìrek mene atì re, an nebeat o. Sa nen an noba wagìk, etaùken noba hìpìrethìgìk, igin halok he, sùpùrùk nele agìk, i nele agìk, ìkì logogin lek o.

YOHANET 5:40

hinebe hineluguthinabuagalùk an noba wesusak he, hinabìt o.

LUKAT 8:13

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

LUKAT 8:8

Nen, he'nakit he, kweang hanoma pìlìk lagaike mene re, hulelhikesik he, hùko arìk, ero lopok eken 100 nen ìrìk lagaike,” ìlùk yogoisasike. Atì'nogo yogoisìlìk ane hùkorogoat ìkì logolìk he, “Hinasuk holusak halok he, hanorogo holini o,” ìlùk yogoisasike.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

YOHANET 8:52

it up Yahuri mene amanogo nen he, mel yogosukwa: “Ap Aberaham mel, up Ala ane yogoisìkì lagaukwa mane amanogo mel, arat wa'larìk lagaukwa meneat he, hat en ìkì logolìk, Sa nen an nane hologo hagatì logogin halok, wa'lagì'lek eluk motok logogin o, ìlùk egen atì nen he, mokareke oabùt weak mane eberogoat ha'la kikesik werek, ìlùk, hùthagago o.