LUKAT 6:44 - Ala Ane Wene Ket Mene Warogo Wo'ninapike Wene

⁴⁴ Yì e tì e atì re, eken ìterek atì ba ero enagat hùthagarek. Pakì alok weak meneat he, eken ara hano mene eken hake aike ìrì'mo palharek motok lek. Ati hak he, mùn meneat he, eken he, anggur eken hano mene ìrì'mo palharek motok legat.

LUKAT 6:44 ပူးပေါင်းရင်းမြစ်များ

YAKOBÙT 3:12

Nerùgì nagaiya'lak. Wùrama ero mene ebe sauk isusak nogo? Nen, sauk ero mene ebe wùrama isusak nogo? Ati hakeat he, ìlùageik elesimo nen, i we mene aike wùlùbusak nogo? Motok meaat o.

MATÌÙT 12:33

Atì'nogo yogoisasikesik aike mel yogoisasike. “E eken hano mene ero hano mene nenat ìterek. Nen, e eken weak mene atì, ero weak mene nenat ìterek. Atì'nogo ìterek atì ba, e eken yì hano mene eken ìgìk, yì weak mene eken ìgìk, enagat hùthegesep o.

YURAT 1:12

Hit hinerùgì hinagaiya'lak inebe hinetawì nen pesta hinom omakìma atogorogo isago nikenem, it ap atì inekalì legat hinoba ki wìrìk he, apùnì aike serisek welagì'lek inokawerek hesik enek oba ebetì logolìk hinom nìkì lagep atì re, weak o. Su hano mola were'ma muli mene oba labulagarek atì hak, hinom weak nìkì lagep atì o. Inebe re, ohena moso negein lek meneat sogoi en abùlùngweak wolok nikerek atì hak nùgì o. Nen, aike re, e eken ìtì'lek, eka motok lek ari'mo, omaken inom hesalhenem motok pùk agarek atì hak werek o.

MATÌÙT 7:16

Yì e tì e eken ìterek atì ba, ero enagat haga'lagarek atì hak, it en hagathinabugun atì ba, inoabùt enagat haga'lasìgìn atì. E pakì alok weak meneat he, eken he, hele anggur hano mene eken hake irì'mo palharek nogo? Ì a, at he, hele mùl alok weak meneat he, eken he, e ara hano mene eken hake irì'mo palharek nogo? Lek o.

MATÌÙT 7:20

Atì hak he, it apùnì atì'nogo hagathinabugun atì ba, inoabùt enagat haga'lasigin,” ìlùk yogoisasike.