LUKAT 6:41 - Ala Ane Wene Ket Mene Warogo Wo'ninapike Wene

⁴¹ Hit hinokawerek hineilekenma e hùko oake palek mene walurek werek atì hìthakìgì'legat he, it hinerùgì hinagaiya'lak aike ineilekenma ìlìngeken hamùlùgat kìlìk were'ma wokhùogolùk kelagisìkì lagep atì nahalok.

LUKAT 6:41 ပူးပေါင်းရင်းမြစ်များ

YOHANET 8:7

Atì'nogo halolotsìlìk werek kolek, it en he, “Yogonisan o,” ìlùk yogoto motok hagatì lagaukwama re, at ot le'lagaikesik, mel yogoisasike: “Hit welagep ya mene, ap aike weak hagatì'lek welagarek mene halok, at en tak he yì helep oba tung hogo wasuak o,” ìlùk,

ÙRÙM 2:1

Atì halok he, hit nerùgì nagaiya'lak yì. Ùkùm it aike nek inoba hìkì logolìk he, hit hinokawerek hinoba nokolasak mea o. Atì'nogo ùkùm it aike inoba hìkì logolìgat he, hit en it hinom higirat hagatì lagep yoma rì! Hinokawerek en ùkùm hinoba motok hakìkì lagep o.

MATÌÙT 7:1

Atì'nogo yogoisasikesik he, aike mel yogoisasike: “At Ala nen ùkùm hinoba hìlìk weagathinabinogo ìlùk he, hit en apùnì aike ùkùm inoba hìlìk weagarinapùp o.

LUKAT 6:40

It guru lak wene yakùlisagarek mene sebeksek negen werek kolegat, it inagainapùrì yakùlisagarek mene atì hesaksek negen po ya welagaikarek lek o. Atì'nogo meneat he, sa nen wene arat yakùlìk tùkùm hogo elu arìk halok he, opase yakùlisikerek mene atì eperak hig'irat o.

LUKAT 6:42

Hinokawerek hineilekenma e hùko mene palek walurek werek atì hìgì'lek logolìgat he, hinerùgì hinagaiya'lak atì yogoisìkì logolìk, Heilekenma ìlìngeken kike mene atì wokheak o, ìlùk usak nogo? Hinogat oba nek hano salek hinetaùken pìre yì rì! Hinokawerek hineilekenma e palek hùko mene walurek werek atì tak wokhakìlìk en, hineileken arat lìa aga halok he, hobuk hinerùgì hinagaiya'lak ineilekenma ìlìgeken werek mene atì, elok wokhogoin o,” ìlùk yogoisasike.

MAREKÙT 8:7

Sùpùrisasukwasik he, ikan eagwìtek mene we, hamùlùgat aike welagaikomo, Yesùt wogosukwama, Ala hai warogo atì'nogo sùpùrisoagalùk yogoisasike.