LUKAT 6:3 - Ala Ane Wene Ket Mene Warogo Wo'ninapike Wene

³ Atì'nogo yogoisasukwama, at Yesùt en he, “Ap Taùt agoromì opolik lagaukwa mene inom sùpùrùk inaik hesikomo re, at en hagasike mene Ala ane ba helal waganek a'nogo hit en etage salhì'lek welagep nogo? Etage salhesebat o.

LUKAT 6:3 ပူးပေါင်းရင်းမြစ်များ

MATÌÙT 21:16

Yesùt mel yogosukwa: “It yekerùgì ìlì'lùgì atì hasuk holhì lagen a?” ìlùk, yo osukwama, at en he, “Ì o. Holhì lagì o. Nen, wene mel ìlùk helal waganek werek a'nogo hit en etage salhì'lek welagep nogo? It en Ala hogoratì logolìk he, Hat hebe katok hogo hogothapì logouagalùk, yekerùgì ketago mene mel, eilak oan nìlì'lùgì mene mel, motok yakùlisegenma hìgì, ìlùk isukwama, helal waganek atì hit en etage salhì'lek welagep nogo?” ìlùk yogoisasikesik,

MAREKÙT 12:10

Hit en Ala ane helal yì'nogo waganogo hesukwama etage salhì'lek welagep nogo? It en he: It ap tukang o helep mene wùtarek mene nen he, o ebe wùtì logolìk he, Helep yì weak, ìlùk heraksasukwa mene atì obùleat ya'lagama o.

MAREKÙT 12:26

Apùnì wa'lari'mo Ala nen inelugurinabigin, ìlùk wene Musa nen helal wanhike mene a'nogo etage salhì'lek welagep nogo? At Musa e sebelek eroma lagaikesi'mo, Ala nen mel yogosike: Aberaham ho, Isak ho, Yakùp ho, inopase Ala anat o, ìlùk yogosikomo helal wanhike mene a'nogo etage salhì'lek welagep nogo? Etage salhesebat o.

MATÌÙT 22:31

Nen, apùnì wa'lasugun mene Ala nen inelugurinabigin atì nek he, at en, Aberaham ho, Isak ho, Yakùp ho, inopase Ala anat o, ìlùk isikomo, at ane helal waganek werek a'nogo etage salhì'lek welagep nogo? Etage salhesebat o. At Ala re, apùnì warek mene inopase hùk. At he, apùnì ineluk mene inopase o,” ìlùk yogoisasikomo re,

MATÌÙT 21:42

Atì'nogo yogosukwama, at Yesùt en he, “Hit en Ala ane yì'nogo helal waganogo hesukwama etage salhì'lek welagep nogo? It en he, It ap tukang o helep mene wùtarek mene nen, o ebe watì logolìk he, Helep yì weak, ìlùk heraksasukwa mene atì obùleat ya'lagama o. Atì'nogo haga'laga atì, ninopase Ala Etagepogot enat hagate o, ìlùk, nineileken hogosik he, Egi! ìlùk hogoratì lago, ìlùk helal waganogo hesukwa mene atì etage salhì lagep lek nogo? Etage salhì lagebat o.

MATÌÙT 19:4

at Yesùt en he, “Ero ba Ala nen elalinapì logolìk he, Ap elalhìk, he elalhik, elalinapike, ìlùk wene helal waganek a'nogo etage salhì'lek welagep nogo?

MATÌÙT 4:2

Atoma hei lagaikomo logolìk he, o hi ìgìk, we ìgìk, iko kolek eki 40 ba sùpùrùk welegat welagaike atì nen he, sùpùrùk nele agaike.