LUKAT 6:28 - Ala Ane Wene Ket Mene Warogo Wo'ninapike Wene

²⁸ It en hit homan hikiko kolegat he, hit en he, agaugerinapì logoino o. Nen, it weagathinabì'lùgì mene atì, Ala nen hanorinabuagalùk, it hesik sapan ìkì logoino o.

LUKAT 6:28 ပူးပေါင်းရင်းမြစ်များ

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

1 KORÌTÙT 4:12

Atì'nogo nìkì logolìk, yì mene tì mene helùogolùk, yabu nineki ba nen, ninomamerogo waganogo helogorek. Apùnì nen homan hinikenem, nit en agaugerinapìk, yì aik tì aik haga'ninapenem, ninepe morogo welagìk,

ÙRÙM 12:14

It apùnì aike nen weagathinapenem he, Ala nen it hanorinabuagalùk ayoko hìkì logoino. Weagarinabuagalùk homan hisìgì'legat, hanorinabuagalùk ayoko hìkì logoino o.

YAKOBÙT 3:10

Ero ninape omakeat atì nenat, Ala hogoratìk, apùnì homan hisìgìk, ogorek atì. Nerùgì nagaiya'lak. Atì'nogo hagasusak lek meneat hagatorek o.

LUKAT 23:34

Atì'nogo menhisasukwama logolìk, at Yesùt en Ala mel yogosike: “Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk, “At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

LUKAT 6:27

Atì'nogo yogoisasikesik hobuk he, mel yogoisasike: “Atì'nogo meneat he, hit an nane holhì lagep mene yì, an wene aike yogohisak. It apùnì hinom weak mene hinetawìrogo logoino o. It en ina'mapsìrì walogo inabìt hagathinapo kolegat he, hit en oko hano mene nek hagarinapì logoino o.

MATÌÙT 5:44

Atì'nogo meneat he, an nen wene aike yì yogohisak. At ninopase Ala pogot oba mene mo esewerek logolìk kweangma lìarogo apùnì inoabùt weak mene lek, hano mene lek, obogat hesigat yarisìgìk, nen, moso pelakhei wagarek atì re, it higit hagarì'lùgì mene lek, kolo hagarì'lùgì mene lek, obogat hesik pelaksa wagìk, ikerek atì hak, hit hinopase Ala pogot oba mene againapùrìat asuageip ìlùk, apùnì hinom weak mene atì hinetawìrinapì logolìk he, it weagathinabì'lùgì mene atì, Ala nen hanorinabuagalùk, it hesik sapan ìkì logoino.

LAKSASIKE 7:60

Atì'nogo ìkì logolìk, eitep awì yukuk hogo hù'lagaike. Hù'larìk, ane hùkorogoat he, mel isike:

LUKAT 6:35

It atì'nogo hagatarek meneat he, hit en he, hinom weak mene hinetawìrinapìk, hanorogo leberisìgìk, Oko it en aike wo'nesuak, ìlùk akìgì'legat hinoake yùgùn wogisìgìk, ìkì logogun halok he, hinebe Ala Etagepogot againapùrìat were'ma re, oko hùko mene wokhisegein o. Apùnì nen, at ebe hai watì'lek weak hagato kolegat etawìrinaperek atì.

LAKSASIKE 14:5

Atì'nogo mìkìlhìlìk he, it apùnì etakwe mene lek, Yahuri inogogì kaintek inom lek, inom arìk he, “Paùlùt lak yì aik tì aik hagarinabìk, inebe helep en motok inoasuok,” ìlùk inabok palhukwa.