LUKAT 6:22 - Ala Ane Wene Ket Mene Warogo Wo'ninapike Wene

^22-23 Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

LUKAT 6:22 ပူးပေါင်းရင်းမြစ်များ

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

1 PETERÙT 3:14

Meneat he, higit hogo hagatenem weagathinapa halok, yì aik tì aik hìkì logolìk, hina'la hai hakìkì logoino. Hinayùk asuagalùk hagathinapenem, hinayùk arìk hina'la wenesùgì uan horo ebetùp o.

YOHANET 16:2

Apùnì nen o sapan egare'ma nen hit hineki lisogo wulakhikogoinat o. Nen, hobuk it apùnì hit hinoasugun mene inebe lopok ina'la nen he, Ala hesik hano inoato, ìlùk, ugun mene weregat o.

YOHANET 7:7

It apùnì kweangma mene nen hit halok he, inabìt motok hagathinabì'lùgì lek meneat he, an nen, It hagatarek atì weak motok, ìlùk ìgìrek atì nen he, anat inabìt motok haga'nabì'lùgì o,” ìlùk yogoisasikesik,

YOHANET 12:42

Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa: “It ap Parisi mane nen o napan egare'ma nen nineki lisogo wulakhina nogo,” ìlùk he, “Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek.

LAKSASIKE 24:5

Ap yì nen he, apùnì weagarinabìk nikenem, oabùt palho. It apùnì ap Nasaret mene a'nogo opolik lìlì'lùgì mene inoe kain logolìk he, apùnì Yahuri mene o yì awì tì awì welagaikarek mene obogat ina'la menerìk niko.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

YOHANET 17:14

Hat hane a'nogo it arat yogoisìgì. Nen, an nebe apùnì kweangma mene yoma inagot lek atì hak, it atì'nogoat inebe apùnì kweangma mene inagoromì lek atì nen he, it apùnì kweangma mene nen inabìrat motok hagarinabì'lùgì o.

LUKAT 21:17

Nen, it apùnì obogat en he, an netage ìlìk, Hit he, at agoromì, ìlùk hinebe inabìt motok hikogoin.

MATÌÙT 10:39

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.

LAKSASIKE 22:22

Paùlùt en atì'nogo yogoisìlìk waganem, it amanogo inasuk hano holek welagaukwasigat he, hùlì atem oba ikenem inane hùkorogoat mel isukwa: “Ap oabùt yìgìnìk he, kweangma eluk logousak lek. Wasuok o!” ìlùk

YOHANET 9:34

it en he, mel yogosukwa: “Hat hoabùt weagat ta'lagagitik, weak motok hagatetek meneat he, hat en wene nit yakùlnisasak nogo? Motok mea o,” ìlùk yogosukwasik he, o sapan egarek oba nen eki lisogo legeta'ma wulaksa wagaukwa.

LUKAT 20:15

aput a'nogo yabumo nen legeta'ma po wulaksasukwasik he, ebe motok wasukwa. It atì'nogo hagasukwa atì nen he, ap kain eyabu esewerek mene atì nen he, it ap atì nìkì'nogo hagarinabigin akegep.

MATÌÙT 10:18

Atì'nogo hagathinabugun atì, ero an nebe hesigat, ap inetagepogot mene mel, kaintek mene mel, inoba wokhisek laganem, hit en it ap atì ineilhanem an hagatenem hineileken niìkì lagep mene a'nogo pak hogo it yogoisìgìk, apùnì etakwe mene yogoisìgìk, yogoisoagalùk hanoasuak hinanema wanugun a'naga o.

LUKAT 6:21

Nen, hit yogotak hina'la nele negen welagep mene hùgì, hobuk wokhisikenem hinalabut ning hogo nogoin atì nen he, hina'la hai hakìkì logoino o. Nen, hit le aga lagep mene hùgì, hobuk eto asugun atì nen he, hina'la hai hakìkì logoino o.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.