LUKAT 6:14 - Ala Ane Wene Ket Mene Warogo Wo'ninapike Wene

¹⁴ Ap weteberogo hisasike atem inetage re, Simon etage aike Peterùt salhike mene a'nogo mel, agot etage Atereat mel, Yakobùt mel, Yohanet mel, Pilipùt mel, Paretolomeùt mel,

LUKAT 6:14 ပူးပေါင်းရင်းမြစ်များ

LAKSASIKE 1:13

Ki wagaukwasik, ouma atoma kìlìk he, o hùlùpo welagaukwa ba atomaat lagasukwasik welagaukwa. It atì inebe re, Peterùt ho, Yohanet ho, Yakobùt ho, Atereat ho, Pilipùt Tomat eperak ho, Paretolomeùt Matiùt eperak ho, Alpìùt aput Yakobùt atì ho, Simon, “O yoma ninawìwerek mene nek logogun,” ìlùk ìkì lagaike mene atì ho, Yakobùt aput Yùrat atì ho, inom welagaukwa.

MATÌÙT 4:21

Lagaukwama, at Yesùt eileken lakhasike hak, ap inebe pìre Sepeteùt againapùrì Yakobùt agot Yohanet eperak inopase inom, so a'la logolìk, su yoge su ikan wanharek mene hìkìn katenem lagisìlìk he, waisasike.

MATÌÙT 4:18

At Yesùt i Kalilea yekele'ma esakokwe laga logolìk he, ap inebe pìre, Simon etage aike Peterùt ìkì lago a'nogo agot Atereat eperak ninhùp-nanhùp ikanat wanharesi'mo nogo nen he, atì sapùl ikan wanuogolùk, su yoge su ima pelapenem eileken lagisasike.

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

LAKSASIKE 12:2

Atì'nogo isikesik, at Yohanet oe Yakobùt wasuagalùk agoromì yogoisasikomo karok oba ebe motok wasukwa.

YOHANET 14:8

at Pilipùt en he, mel yogosike: “Noe. Nineileken hìlìk ninetaùken hapuk hogo logouagalùk, hat hopase atì ebe yakùlnisan o,” ìlùk yogosikomo,

YOHANET 6:8

at Yesùt agoromì ane wanhì lagaukwa mene aike etage Atereat, Simon etage aike Peterùt egarek a'nogo agot en he, mel yogosike:

YOHANET 6:5

Atì'nogo hù'lagaukwasik, at Yesùt eileken lagisasike hak he, apùnì apik esa logolek atogosi waganem eileken lagisìlìk, Pilipùt mel yogosike: “Pilipùt. Apùnì logolek aroma sùpùrùk noak en, o koma mene oko palisùok he,” ìlùk yogosike.

YOHANET 1:45

Opolik laga logolìk, at Pilipùt a'nogo hobuk ap Nataniel eperak apì arìk, mel yogosike: “Nataniel. At Musa nen wene Ala nen ninasuk wasike wene a'nogo ba, ap aike abok ìkì logolìk helal wanhìk, nen, it ap Ala ane yogoisìkì lagaukwa mene amanogo nen abok ìkì logolìk helal wanhìk, isukwa mene a'nogo, nit arat ninom apì ago. At ebe re, Yùsùp aput o Nasaret mene Yesùt at o,” ìlùk yogosike meneat he,

LUKAT 5:10

Ati hak, at Simon agaiya'lak inom hutik mene Sepeteùt againapùrì Yakobùt Yohanet eperak, atì'nogoat inayùk agaikomo re, at Yesùt en Simon mel yogosike: “Hayùk agùn o. Ikan wanhì lagen atì hak he, hùlì yogotak en he, apùnì woginabìk nìkì logogin o,” ìlùk yogosike.

LUKAT 5:8

Atì'nogo haga'lasigìlùk isikomo, at Simon a'nogo Yesùt eilhanem eitep awì yukuk hogo soma ìlìk he, “Noe e! An weak hagatìrek mene yì re, yoma hebanìlùk lan o,” ìlùk yogosike.

MAREKÙT 14:33

Atì'nogo yogoisalùk he, Peterùt ho, Yakobùt ho, Yohanet ho, wogisek laganem he, at Yesùt etaùken min agìk, huni agìk, isike.

MAREKÙT 9:2

At Yesùt en wene atì'nogo yogoisasikesik he, nogo ineki 6 ìlùk en, Peterùt mel, Yakobùt mel, Yohanet mel, inaligat wogisek tom uan aike ba lagasike. Lagasikesik were'ma, at ebe it ineilhanem hùnogoat haga'lagìk,

MAREKÙT 5:37

Lagaukwasik, apùnì inebe logolegat yogoisìkì logolìk, “Ninopolik wesusak lek. We, it Peterùt mel, Yohanet agot Yakobùt eperak mel enek ninom logoin o,” ìlùk inom lagaukwa.

MAREKÙT 1:29

At Yesùt ho, Yakobùt Yohanet eperak ho, agoromì aike inom, o apùnì Yahuri mene sapan egarek oba nen wùlìbi wagaukwasik he, Simon ho, Atereat ho, inaua lagaukwa.

MAREKÙT 1:19

Opolik lagaukwama horogat lagaukwasik he, Yesùt eileken lakhasike hake, ap Sepeteùt againapùrì Yakobùt agot Yohanet eperak inom i so a'la logolìk inasu yoge su hìkìn katenem eileken lagisasike.

MATÌÙT 10:3

Pilipùt Paretolomeùt eperak mel, Tomat Matìùt pemerìntah hesik uang kìno ìlìk wanhì lagaike mene a'nogo eperak mel, Alpìùt aput Yakùp Tareùt eperak mel,

MATÌÙT 10:2

Ap inebe 12 nen atì, inetage yì: emakum he, Simon etage aike Peterùt ìgìk a'nogo agot Atereat eperak mel, Sepeteùt aput Yakobùt a'nogo agot Yohanet eperak mel,

MAREKÙT 3:16

Inebe 12 nen menhisasike mene amanogo, inetage yì: Simon etage aike Peterùt salhike mene a'nogo mel,

LUKAT 6:13

O we isikomo re, at agoromì ane wanhì lagaukwa mene amanogo waisasikomo wagaukwama re, it mene inebe 12 nen weteberogo hisìlìk he, “Hinebe lakhikegein,” ìlùk menhisasike.

LUKAT 6:15

Matìùt mel, Tomat mel, Alpìùt aput Yakobùt mel, Simon, “O yoma ninawìwerek mene nek logogun,” ìlùk ìkì lagaike a'nogo mel,