LUKAT 6:12 - Ala Ane Wene Ket Mene Warogo Wo'ninapike Wene

¹² Ati sat he, at Yesùt sapan igìlùk tom oba lagasike. Lagalìk yìbako-hùako Ala ayoko hiko motok were'ma, o arat we isike.

LUKAT 6:12 ပူးပေါင်းရင်းမြစ်များ

IBERANI 5:7

At Yesùt ebe kweangma yoma were'ma apùnì nen wasinogo ìlùk, Ala nen elok telusak atì nen he, le aga logolìk, ane hùkorogo Ala etage palogo ayoko hìkì logolìk, opase ane ayùk hogo hologo welagaike atì nen, ane asuk holhike.

MAREKÙT 6:46

Atì'nogo yogoisasikomo, wùlìbi waga kolek, at Yesùt en it apùnì amanogo arat laksahlùk he, at sapan igìlùk punu ba lagasike.

MAREKÙT 1:35

Atì'nogo hagarinapì lagaikesik he, nogo isikesik o etawì wekelìk waga kolek eluk a'lùk wùlìpike. Wùlìpikesik he, o leimo apùnì le'ma lagaikesik sapan ìkì lagaike.

KOLOSE 4:2

Sapan he, Ala hai watì logolìgat, hinaberalì agì'lek hutik-hutigat ìkì logolìk, hinepe hebelogo logoino.

MATÌÙT 6:6

Meneat he, hit sapan uogolùk halok he, hinaua kwe yagarogo kìlìk, hinopase Ala pogot oba mene ebe ineileken hagarek lek mene a'nogo nen wokhisoagalùk kìno yogotì logoino. Hit en hinagasogo kìno yogosugun mene atì, at eileken hinago mene hikeresi'mo nogo nen he, wokhisegein o.

MATÌÙT 5:1

Apùnì apik waganem, Yesùt eileken yerisìlìk he, ùkùl oba lagalìk hùrek were'ma, it at ane wanhì lagaukwa mene oba wagaukwa.

MAREKÙT 3:13

Atì'nogo wenagisalùk hobuk he, at Yesùt ebe tom oba lagasike. Lagalìk he, “Ap inebe atem noba wesuak,” ìlùk a'la akasike mene nek waisasikomo, oba lagasukwama re,

LUKAT 5:16

Atì'nogo hagato kolek meneat he, at Yesùt sapan ìgìlùk ebe apùnì le'ma leimo atoma laga lagaike.

LUKAT 6:11

Atì'nogo hagasikomo, it ap Ala ane helal waganek esewerek mene amanogo mel, it Parisi mene amanogo mel, ina'mage apik lagalìk he, “At Yesùt nìkì'nogo hagasuok he,” ìlùk, it-it abok palhì lagaukwa.

LUKAT 6:17

At Yesùt atì'nogo agoromì weteberogo hisìlìk, inom tom oba nen pi wagaukwasik he, kweang enagoma atoma kamo isukwasik were'ma, at agoromì ane wanhì lagaukwa mene amanogo he'nakìt inebe apigat mel, apùnì motok apik o Yurea ya ta mene mel, o kota Yerusalem mene mel, o Tìrùt Siron i laut aik oba welagaikarek mene mel,

LUKAT 9:18

Ineki aike sapùl he, Yesùt aligat sapan ikenem, at agoromì ane wanhì lagaukwa mene amanogo oba wagaukwa. Wagaukwama, at en inoba hinok wanhì logolìk he, mel yogoisasike: “Apùnì apigat en an nebe hesik nabok ìkì logolìk he, sa ìlì'lùgì nogo,” ìlùk yogoisasikomo, it en he, mel yogosukwa:

LUKAT 9:28

At Yesùt en wene atì'nogo arat yogoisasikesik he, nogo ineki 8 hake ìlùk en, Peterùt mel, Yohanet mel, Yakobùt mel, wogisek sapan igìlùk tom aike ba lagasike.

LUKAT 9:29

Lagalìk he, sapan ikenem he, at Yesùt elokoken hùnogoat haga'laga logolìk asu elokoken motok kut arìk, eilhabùt hake yararathesike.

YOHANET 6:3

Opolik laga kolek, at Yesùt agoromì ane wanhì lagaukwa mene amanogo inomat wùlùpukwasik he, ùkùl oba lagalìk hù'lagaukwa.