LUKAT 5:8 - Ala Ane Wene Ket Mene Warogo Wo'ninapike Wene

⁸ Atì'nogo haga'lasigìlùk isikomo, at Simon a'nogo Yesùt eilhanem eitep awì yukuk hogo soma ìlìk he, “Noe e! An weak hagatìrek mene yì re, yoma hebanìlùk lan o,” ìlùk yogosike.

LUKAT 5:8 ပူးပေါင်းရင်းမြစ်များ

ABÌKAKAN 1:17

Atì'nogo were'ma hìgìrìk he, nayùk en nelokwe sogoum warek hake, at elokoma awe a'ma po i laganem he, at eki ebekwe nen ha'niikesik he, mel yogonete: “Hayù'lek ame. An nebe re, ero ba nen pìkìt erepùl oba nesok motok logolìk he,

MATÌÙT 17:6

Yesùt agoromì inom lagasukwa mene amanogo inasuk holhukwasik, inayùk en he, ineitep awì yagasogo inelokwe kweangma sogoum ìlìk were'ma

YOHANET 11:32

Wago kolek, he Maria a'nogo eileken Yesùt ebe lakhìlìk he, oba lagaikesik eitep awì yagasogo awe a'ma soma isikesik he, mel yogosike: “Noe. Hat yoma wìrìk logoilenma re, an nenei wa'laga atì, wa'la'lep lek akìgì o,” ìlùk yogosikesik le aganem,

MATÌÙT 8:8

“Eige! Noe. An ap yekeregatma, hat an naua ki lasak mea o. Halok he, hebe ya nen hane nek healumo re, an natitigeke mene atì hano asigin o.

MATÌÙT 2:11

Ina'la hai apik hakìlìk ouma kisukwa re, omalik a'nogo agosa Marìa agoumo were'ma ineileken hìlìk, ineitep awì yagasogo hogorasukwa. Hogoratì logolìk he, oko hùko hano mene emas mel, kemenyan kamì apen hùke atì mel, e mur amusu mel, yegelogo wogosukwa.

1 KORÌTÙT 13:12

Yogotak ya re, inapùnak mùm werek kolek ineileken lakhagarek hak, agasabeke mene lakhìkì lago. Meneat he, hobuk ebe mene tùkùm hogo lakhogoin o. Yogotak he, wene ato he'na nek ninelu welago. Meneat he, hobuk at Ala nen an nebe tùkùm hogo elu atì hak, an nen at Ebe tùkùm hogo nelu asigin o.

LUKAT 5:7

Atì'nogo haga'lagaikomo, it inagaiya'lak so hùnogoat mene a'la welagaukwa mene nen leberisa wesuagalùk, ineki lamok waisasukwa. Atì'nogo waisasukwama, it a'nogo wagaukwasik he, ikan amanogo titelogo re, so aike a'la kalhìk, aike a'la kalhìk, so pìreat apem hesogothìgìk kalìk lagaukwa meneat he, ikan ekinsek he, so i a'la wule'lak hogo pigìlùk isike.

LUKAT 5:9

Ikan apik wanhukwa atì nen, at Simon agaiya'lak inom inayùk arìk atì'nogo yogosike.