LUKAT 5:35 - Ala Ane Wene Ket Mene Warogo Wo'ninapike Wene

³⁵ Atì'nogo meneat he, ap atì erùgì agaiya'lak hisalùk ebe wolok logoin oba weregat o. Atì'nogo wolok lamo atem sat enek he, it atì ineki aike sùpùrùk nìkì'lek logogunat o,” ìlùk yogoisasike.

LUKAT 5:35 ပူးပေါင်းရင်းမြစ်များ

LUKAT 17:22

Atì'nogo yogoisìlìk, at agoromì ane wanhì lagaukwa mene amanogo mel yogoisasike: “An abat ta'lasi wagagi a'nogo ninhùp-nanhùp hobuk ninom motok logogun mene re, oan werek kolek, hit hina'la nen he, Nineki omake hesik nineileken helo e, ìlùk atì'nogo akogoin meneat he, hineileken nììgì'lek logogun oba weregat o.

2 KORÌTÙT 11:27

Yì hesik tì hesik seget kwìl-kwal hogo hagatìk, ninhùp-nanhùbat nogo neluk nogo ìgìk, sùpùrùk mel, i mel, lek en nele welagìk, ninhùp-nanhùbat sùpùrùk nìkì'lek kamo ìgìk, nasu lek en sogoi noatìk, o koma nogo u heat agìk, ìkì lagagisigat.

1 KORÌTÙT 7:5

Halok he, hìmìap hinom nogo ìkì logousak. Heksek logogùp o. Sapan ìkì logouogolùk halok he, mel usak: “Elama hesik welegat logouok,” ìlùk weneane hinom ìlìk en, sapan ìkì logopik he, hobuk hinom lapuk hogo logoino. Hinetaùken sebelusak mea atì nen, Ibilit en hina'la kagalinogo ìlùk he, hinom lapuk hogo logousak atì.

LAKSASIKE 14:23

Atì'nogo yogoisìlìk wùlìbi waga logolìk he, o ya ta, Ala againapùrì atogotì lagaukwa lopok, inogogì hagisek logouagalùk menhisìlìk he, ineki aike sapan uogolùk sùpùrùk nìkìlek welegat logolìk sapan mel ìkì lagaukwa: “Yesùt ninoe. Hagainapùrì inetaùken hoba hìpìrìk werek mene yì, hagisek logoinok en ìlùk hat heki ba hogo o,” ìlùk sapan ìlìk wùlìbi wagaukwa.

LAKSASIKE 3:21

Yogotak ya re, Yesùt ebe pogot oba logousak obaat logogin o. Logopik en, hùlì Ala nen yì mene tì mene obogat agauak hagasigin atì hùlìat pi wesigin o, ìlùk hageat it ap inebe Ala hesik logolìk at ane yogoisìkì lagaukwa mene amanogo nen isukwa hagat haga'lasigin o.

LAKSASIKE 1:9

Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

YOHANET 16:28

An nebe Ala were'ma nen apùnì kweangma mene inoba pi wagagi meneat he, yogotak it kweangma yoma hisalùk nopase oba napotkwe lagagin o,” ìlùk yogoisasikomo,

YOHANET 13:33

Nagainapùrì. An neki hamùlùgat enek ninom logopik en legein o. Lamo, hit en an nebe hera'napì logogun meneat he, alebat an nen ap Yahuri mane yogoisasigi hak, o an legeinmo atoma hit en hera'nabìk logoin lek o, ìlùk, yogotak hit yogohisìgìat o,” ìlùk yogoisasike.

YOHANET 12:8

Nen, it apùnì inagarok lek mene atì, hit hinom motok logogun meneat he, an enek he, hit ninom motok logogun lek o,” ìlùk yogoisasike.

MATÌÙT 9:15

Yogosukwama re, at Yesùt en he, mel yogoisasike: “Ap aike agwe ìkìki logolìk he, at erùgì agaiya'lak inomat logolìk he, it ina'la wiik-weak hogo logousak nogo? Lek o. Atì'nogo meneat he, erùgì agaiya'lak hisalùk, ap atì wolok logoin oba weregat o. Atì'nogo wolok lamo nek he, it atì ineki aike sùpùrùk nìkì'lek sapanat iko logogunat o,” ìlùk yogoisasike.

MAREKÙT 2:20

Meneat he, ap atì erùgì agaiya'lak hisalùk ebe wolok logoin oba weregat o. Ati'nogo wolok lamo atem sat enek he, it atì ineki aike sùpùrùk nìkì'lek logogunat o,” ìlùk yogoisasike.

LUKAT 5:34

Atì'nogo yogusukwama at Yesùt en he, mel yogoisasike: “Ap aike agwe ìkìki logolìk he, erùgì agaiya'lak inayoko hegein mene inom logolìk, Hit sùpùrùk nìkì'lek logoni o, ìlùk yogoisasak akegep? Mea o.

LUKAT 5:36

Atì'nogo yogoisasikesik he, wene aike oba lìrogo mel yogoisasike: “Apùnì nen, su alep laberì'lùgì mene lìbìlaga halok, su ket mene lìbìlogo hageat mene atì ba labelogo hìkìn katarek lek. Atì'nogo kasugun halok, ket mene lìbìlugun atì nen weak agìk, hageat mene atì ba kasumo eperak higit lek atì nen weak agìk, igin a.