LUKAT 5:34 - Ala Ane Wene Ket Mene Warogo Wo'ninapike Wene

³⁴ Atì'nogo yogusukwama at Yesùt en he, mel yogoisasike: “Ap aike agwe ìkìki logolìk he, erùgì agaiya'lak inayoko hegein mene inom logolìk, Hit sùpùrùk nìkì'lek logoni o, ìlùk yogoisasak akegep? Mea o.

LUKAT 5:34 ပူးပေါင်းရင်းမြစ်များ

YOHANET 3:29

Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

MATÌÙT 22:2

“Ala nen awe a'ma hisikere'ma atoma eperak higit he, ap kain etagepogot aike aput agwe ìgìtì logolìk, pesta isasukwa hagat o.

MATÌÙT 9:15

Yogosukwama re, at Yesùt en he, mel yogoisasike: “Ap aike agwe ìkìki logolìk he, at erùgì agaiya'lak inomat logolìk he, it ina'la wiik-weak hogo logousak nogo? Lek o. Atì'nogo meneat he, erùgì agaiya'lak hisalùk, ap atì wolok logoin oba weregat o. Atì'nogo wolok lamo nek he, it atì ineki aike sùpùrùk nìkì'lek sapanat iko logogunat o,” ìlùk yogoisasike.

LUKAT 5:33

Atì'nogo yogoisasikesik oba nen he, it apùnì aike nen Yesùt mel yogusukwa: “It ap Yohanet agoromì ane wìlì'lùgì mene atì, ineki apik welagì'lek, sapan uogolùk halok he, sùpùrùk nìkì'lek logolìk sapanat iko welagaikarek. Nen, it ap Parisi mene inagoromì inane wìlì'lùgì mene atì re, atì'nogoat hagatarek Meneat he, it ap hat hane wìlì'lùgì mene atì re, we, yùgùnat sùpùrùk nìkìk, eken amusu nìkìk, nìlì'lùgì atì re,” ìlùk yogosukwa.

LUKAT 5:35

Atì'nogo meneat he, ap atì erùgì agaiya'lak hisalùk ebe wolok logoin oba weregat o. Atì'nogo wolok lamo atem sat enek he, it atì ineki aike sùpùrùk nìkì'lek logogunat o,” ìlùk yogoisasike.