LUKAT 5:27 - Ala Ane Wene Ket Mene Warogo Wo'ninapike Wene

²⁷ Atì'nogo haga'lùk he, at Yesùt o atoma nen wùlìbìk he, kwe laga logolìk eileken yethasike re, ap uang pemerintah hesik kìno ìlìk wanharek mene aike etage Lewi atì, kantor uang kìno ìlìk hìkì lagaike ba hùrek were'ma eileken hasike. Atoma were'ma eileken hìlìk, “Nopolik eme o,” ìlùk yogosikomo re,

LUKAT 5:27 ပူးပေါင်းရင်းမြစ်များ

MAREKÙT 3:18

Atereat mel, Pilipùt mel, Paretolomeùt mel, Matìùt mel, Tomat mel, Alpìùt aput Yakobùt mel, Tareùt mel, Simon, “O Kana'an yoma ninawìwerek mene hùgì nek logouok,” ìlùk ìkì lagaike mene a'nogo mel,

MATÌÙT 10:3

Pilipùt Paretolomeùt eperak mel, Tomat Matìùt pemerìntah hesik uang kìno ìlìk wanhì lagaike mene a'nogo eperak mel, Alpìùt aput Yakùp Tareùt eperak mel,

YOHANET 1:43

Etage atì'nogo salhikesik, nogo ìlùk hùenkwe re, at Yesùt o Kalilea lagai wesigìlùk akasikesik lagai wagaike hak, ap etage Pilipùt eperak apì agaukwasik he, mel yogosike: “Nagot e. An nopolik eme o,” ìlùk ayoko hesikomo opolik lagaike.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

LUKAT 18:22

at Yesùt asuk holhikesik he, mel yogosike: “Wene omakeat enek aike hagatì'lek welagen o. Hat hagarok atoma heleleng hogo it alke inoba abasi lano. Abarìk he, oko wokhesugun mene atì it apùnì aike inagarok lek inelageik mene atì motok sùpùrogo wogisano o. Atì'nogo arat wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

MATÌÙT 16:24

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.

MATÌÙT 8:22

Atì'nogo yogosikomo, at Yesùt en he, mel yogosike: “Heraksalùk he, an nopolik eme. Warek mene halok, it apunì inebe warek mene hake werek atoma nenat salinapì logouak o,” ìlùk yogosike.