LUKAT 5:15 - Ala Ane Wene Ket Mene Warogo Wo'ninapike Wene

¹⁵ Asuk warogo lakhesike meneat he, Yesùt en hagasike mene amanogo abok elangarìk lagaukwama, apùnì apik holhukwasik he, it yì ou tì ou inoba werek mene hagarinabuagalùk he, Yesùt oba motok apik atogosi waga lagaukwa.

LUKAT 5:15 ပူးပေါင်းရင်းမြစ်များ

LUKAT 12:1

Wene atì'nogo iko kolek, apùnì motok apigat inera'lu atogosi wagaukwama re, inebe motok kerelek-hoporek nogo nen he, it aike nen it aike inesok okut en al lebelogo hìlìk lagaukwa. Atì'nogo haga'lagaikomo, at Yesùt en agoromì ane wanhì lagaukwa mene amanogo wene mel tak yogoisasike: “Ap Parisi mene inoabùt he, eken sùpùrùk horoti mene hisuagalùk, a'lakwe pelaparek mene atì hùke logolìk he, inogat oba nek hano salek, inetaùken pìre atì nen, weagathinabinogo ìlùk, hinepe hebelogo logoino.

MAREKÙT 1:45

Atì'nogo yogosike meneat he, at a'nogo nen apùnì yùgùnat yogoisìkì logolìk he: “Yì'nogo haga'nape o,” ìlùk abok hano wìagararìk lagaike atì nen he, at Yesùt o kota ya ta atoma kìlìk ebe weinam hogo nìkì logousak mea agaikomo re, leimo apùnì le'ma lagaikesik welagaike. Atì'nogo welagaike meneat he, apùnì o ya ta atoma nen oba atogosi waga lagaukwa.

MATÌÙT 9:26

Atì'nogo hagasikomo re, “Yesùt en hagate o,” ìlùk, o tokwe atoma abok motok sak-pak isike.

MAREKÙT 1:28

Atì'nogo hogora'luk he, at Yesùt abok wolok o Kalilea tokwe ya ta atoma obogat hepok lagaukwa.

YOHANET 6:2

I aik ìlì bakwe wùlùpenem he, alebat apùnì inoba ou mene elalinat hagarinapenem ineileken hasukwasi'mo nogo nen he, apùnì inebe apigat esa logolhìlùk, at opolik lagaukwa.

LUKAT 14:25

Apùnì motok apigat Yesùt opolik lop hutik laga lagaukwama re, at Yeeut elokwe hebek hogo it apùnì amanogo wogisìlìk he,

MAREKÙT 3:7

Atì'nogo haga'lùk, hobuk, at Yesùt agoromì ane wanhì lagaukwa mene amanogo inomat he, i Kalilea yekelek a'nogo esakoma lagaukwa. Lagaukwama re, apùnì nen he, “Yesùt yì'nogo hagarì'logo, tì'nogo hagarì'logo,” ìlùk abok ikenem, it apùnì o Kalilea tokwe mene logolegat inasuk holìlùk inopolik inopolik laganem, it apùnì o Yurea tokwe mene mel, o Yerusalem mene mel, o Irumea tokwe mene mel, o i Yoretan aik ìlì ba mene mel, o Tìrùt Siron mene mel, Yesùt oba atogosukwa.

1 TIMOTÌÙT 5:25

Atì hagat, it aike hano hagatarek mene hepogat weinam agarek atì. It aike atì'nogo hano hagatenem hinago motok logogin lek. We, weinam asiginat o.

MATÌÙT 9:31

Atì'nogo yogoisasike meneat he, it apùnì amanogo nen o atoma at abok motok yogoisìlìk nìkì lagaukwa.