LUKAT 5:1 - Ala Ane Wene Ket Mene Warogo Wo'ninapike Wene

¹ Ineki aike sapùl he, at Yesùt i Kenesaret yekele'ma atoma metek were'ma re, apùnì motok apik Ala ane inasuk holuogolùk oba atogosi lagaukwa.

LUKAT 5:1 ပူးပေါင်းရင်းမြစ်များ

MAREKÙT 3:9

Atì'nogo atogosukwama re, inebe logolegat ou hagarinapenem he, it ou inoba mene obogat en, apùnì aike hìgìlisìlìk-healisìlìk Yesùt ineki hakùogolùkk oba kìkì lagaukwa atì nen, at Yesùt en, at agoromì ane wanhì lagaukwa mene amanogo mel yogoisasike: “Apùnì apigat ma re, an nera'lu kerelek-hoporek asinogo nen he, i so hamùlùk mene aike hanìlìk logoni o,” ìlùk yogoisasike.

MATÌÙT 14:34

Atì'nogo haga'lùk, so warogo wùlìbi waga lagaukwasik he, o Kenesaret atem higit asi wagaukwa.

MAREKÙT 6:53

Atì'nogo haga'lùk, at Yesùt lak o Kenesaret, i yekelek a'nogo aik yì bakwe wùlìbi wagaukwasik he, i so a'nogo e telogo hele homagasogo hesukwa.

MATÌÙT 11:12

At Yohanet ima pelaginapì laga atì hùlì nen he, yogotak ya hùlì, it inoabùt weak asialoksek mene nen, ninopase Ala nen awe a'ma hisikerek a'nogo inabìt en mabenetsùogolùk inomamerogo walhìlì'lùgì.

LUKAT 12:1

Wene atì'nogo iko kolek, apùnì motok apigat inera'lu atogosi wagaukwama re, inebe motok kerelek-hoporek nogo nen he, it aike nen it aike inesok okut en al lebelogo hìlìk lagaukwa. Atì'nogo haga'lagaikomo, at Yesùt en agoromì ane wanhì lagaukwa mene amanogo wene mel tak yogoisasike: “Ap Parisi mene inoabùt he, eken sùpùrùk horoti mene hisuagalùk, a'lakwe pelaparek mene atì hùke logolìk he, inogat oba nek hano salek, inetaùken pìre atì nen, weagathinabinogo ìlùk, hinepe hebelogo logoino.

MAREKÙT 5:24

Atì'nogo yogosikomo eperak lagaukwa. Laganem he, apùnì motok apik Yesùt opolik laga logolìk kerelek-hoporek ogat oba yìgìrogo lagaukwa.

LUKAT 8:45

Eki atì'nogo hakasikomo, at Yesùt en he, mel isike: “Sa nen eki ha'niike he,” ìlùk isikomo it apùnì amanogo aike inane oba lopolhì'lek motok kamo isukwama, at Peterùt en he, mel yogosike: “Noe! Apùnì motok apik kerelek-hoporek waga logolìk nogo nen he, hat hoba yìgìrogo wagaikama o,” ìlùk yogosike.

MAREKÙT 4:1

Hobuk he, at Yesùt i Kalilea yekelek a'nogo esakoma logolìk wene yakùlisasike. Yakùlisikenem apùnì inebe apik esa hùkoat oba atogosi wagaukwama re, it inebe i aik oba hisalùk he, at ebe ima i so ba hù'lasi kisike.

LUKAT 5:2

Atogosi laga kolek, it ap ikan wanhì lagaukwa mene aike so pìre mene i aik oba hùlùk he, su yoge su ikan wanhì lagaukwa mene hìkìn katenem eileken isasike.

LUKAT 8:22

Ineki aike sapùl he, at Yesùt ebe inom, agoromì ane wanhì lagaukwa mene amanogo inom, i so a'la kisukwasik he, mel yogoisasike: “I aik ìlì bakwe wùlùbuok o,” ìlùk yogoisasikesik he, wùlùpukwa.

LUKAT 8:23

Wùlìpì logolìk he, at Yesùt nogo isike. Nogo iko kolek, sogoi apik hunha wagaikomo, i ha'labu apik aga logolìk, i kesalogo re, so a'la kisikomo, so a'nogo wule'lak hogo pigìlùk isike.

LUKAT 8:33

it mokareke inoabùt weak mene amanogo, ap a'nogo a'la nen henogo wùlìbi lagaukwasik, wam amanogo a'la kalasi lagaukwama re, motogat i kat oba nen lùrogo, i hùko yekele'ma pìlìk i lagaukwa.

YOHANET 1:40

Nen, it ap inebe pìre Yohanet ane ikenem inasuk holhukwasik, Yesùt opolik lagaukwa mene atem ap aike etage re, Atereat, Simon Peterùt a'nogo agot.

YOHANET 6:1

Hobuk he, at Yesùt i moge Kalilea, etage aike Tiberiat egaregat atì, aik ìlì bakwe wùlìpike.

IBERANI 13:7

Hinogogì alep sethisek welagaukwa mene nen, Ala ane yogohisasukwa mene atì, inoba eberek logoino o. It inetaùken Ala oba hìpìrethìlìk, inebe ineluk logolìk mel, wa'lasuogolùk mel, hagatì lagaukwa mene atì hùthìlìk, hit it inoabùt waganogo hinetaùken Ala oba hìpìrethìkì logoino o.