LUKAT 4:8 - Ala Ane Wene Ket Mene Warogo Wo'ninapike Wene

⁸ at Yesùt en he, mel yogosike: “Ala nen ìkì logolìk he, Hinopase Ala Netagepogot anat hineitep awì yagasogo nawe a'ma ki wìrìk hogo'napi logolìk he, an hesik enek hagatì logoino o, ìlùk isikomo helal waganogo hesukwama werek o,” ìlùk, atì'nogo yogosikomo re,

LUKAT 4:8 ပူးပေါင်းရင်းမြစ်များ

MATÌÙT 16:23

Asuk wasikomo, at Yesùt elokwe lagak hogo Peterùt kelakhìlìk mel yogosike: “Hat Ibilit hìgì. Ala a'la akikerek higit hogo ebetì'lek, we apùnì nen akagarek hak ebethìlìk nakwe palhì lagen yì, nelokoma yoma logogùn. Hela lan o,” ìlùk yogosike.

MATÌÙT 4:10

at Yesùt en he, “Hat Ibilit yì lan o. Ala nen ìkì logolìk he, Hit en he, hinopase Ala Netagepogot anat hineitep awì yagasogo nawe a'ma ki wìrìk hogo'napì logolìk he, an hesik enek hagatì logoino o, isikomo helal waganogo hesukwama werek o,” ìlùk yogosike.

LUKAT 4:4

at Yesùt en he, mel yogosike: “Ala nen he Apùnì sùpùrùk enek nìkì logolìk, ineluk motok welagaikarek lek o, ilak isikomo helal waganogo hesukwama werek o,” ìlùk yogosike.

LUKAT 4:7

hat heitep awì yagasogo nawe a'ma ki wìrìk hogo'nabigin halok he, obogat hat ese logoinogolùk wokhesigin o,” ìlùk yogosikomo,

YAKOBÙT 4:7

Ati nen he, Ala awe a'ma hinetaùken seberogo kìlìk ane hologo logolìk, Ibilit ane atì sagalogo heraksìkì logoino. Heraksamo re, at en herakhikalùk hese wùlìbiginat o.

1 PETERÙT 5:9

Atì'nogo logolìk, hina'la nen, “Ninerùgì ninagaiya'lak o yì awì tì awì atoma yì aik tì aik hìlì'lùgì hagat hìkì lago,” ìlùk, at Ibilit waganem, ane holhì'lek heraksìlìk hinetaùken Ala oba hìpìrethìlìk ning hogo metek logoino o.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

ABÌKAKAN 22:9

Atì'nogo meneat he, at en mel yogonete: “Hùk. An atì'nogo hogo'nabusak lek a. An nebe re, hat mel, hagaiya'lak aike at Ala ane yogoisagarek mene mel, it aike inebe obogat wene helal waganek yì inasuk hologo higit hogo hagatì logogun mene mel, ninom higit, ninebe at Ala atitigeke ne'ma re, hetaùken at Ala oba hìpìrethìlìk, at enek hogorasusak o,” ìlùk yogonete.