LUKAT 4:5 - Ala Ane Wene Ket Mene Warogo Wo'ninapike Wene

⁵ Atì'nogo yogosikomo, hobuk Ibilit en Yesùt wolok he, pokwe hei lagasikesik he, atoma nen o kweangma yì awì tì awì kaintek inetagepogot welagaikarek obakwe obogat yegek hogo weinamethìlìk omake hesik eileken lakhoagalùk yakùlesike.

LUKAT 4:5 ပူးပေါင်းရင်းမြစ်များ

MATÌÙT 24:14

Nen, Ala nen awe a'ma hisegein mene hano wene yì, yì apùnì tì apùnì motok inelu asuagalùk o yì awì tì awì yogoisìlìk lagep halok he, o wùrep oba arat haga'lasigin o,” ìlùk yogoisasike.

MATÌÙT 4:8

Atì'nogo yogosikomo re, hobuk at Ibilit en Yesùt wolok tom hùko uan mene ùkùl oba lagalìk he, o kweangma yì awì tì awì ap kaintek inetagepogot en hagisek welagaikarek obakwe lopok obogat, yì mene tì mene apik were'ma eileken lakhoagalùk yakùletì logolìk he,

1 KORÌTÙT 15:52

Omake hesik, ineileken sapùn ìlìk hekenagaikarek hak, pìkon ane elùgùn kopok pak igin o. Atì'nogo pak ikenem he, apùnì wa'lagaukwa mene inebe hili agì'lek esok motok logogin mene agauak hagarogo inelugurinabìk he, nit obogat ninebe hùnogoat haga'ninabigin o.

1 KORÌTÙT 7:31

Nen, it aike kweangma yì mene tì mene helagarek mene atì, helìgì'lek mene negen logouak. Atì'nogo ìgì atì re, yì mene tì mene kweangma welagarek mene obogat arat lek arì'logo atì nen ìgì o.

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.