LUKAT 4:34 - Ala Ane Wene Ket Mene Warogo Wo'ninapike Wene

³⁴ “Yesùt Nasaret mene yì! Hat en nìkì'nogo haga'ninabigìlùk wagen! Nit weaga'ninabigìlùk wagen a? Hat hebe re, Ala okawerek hesik menhagaikesik lakhagei wagama wagen atì, an nen hùthagagì o,” ìlùk ane hùkorogo yogosikomo,

LUKAT 4:34 ပူးပေါင်းရင်းမြစ်များ

YAKOBÙT 2:19

Hat aike nen he, “At Ala ebe omakeat,” ìlùk eberogoat akìkì lagen atì hano meneat he, Ibilit agoromì inoabùt weak mene inom en, atì hagat eberogoat akìkì logolìk, ebe inayùk en aleik wataregat o.

MAREKÙT 1:24

“Yesùt aua Nasaret mene yì! Hat en nìkì'nogo haga'ninabigìlùk wagen. Nit weaga'ninabigìlùk wagen a? Hat hebe re, Ala okawerek hesik menhagaikesik lakhagei wagama wagen atì, an nen hùthagagì o,” ìlùk ane hùkorogoat yogosike.

MATÌÙT 8:29

inane hùkorogoat mel yogosukwa: “Ala aput yì. Hat en he, nit nìkì'nogo haga'ninabigìlùk wagen. Nit ninoasusak oba oan werek kolegat he, hat tak ninoasigìlùk wagen yoma rì!” ìlùk yogosukwa.

LAKSASIKE 3:14

At he, Ala nen lakhei wagaikomo oabùt higit hogo hagatì laga meneat he, hit en Pilatùt yogotì logolìk, Ap atì ebe ninabìt o. Ap aike apùnì inoare meneat he, arìat eki hele hikalogo wo'nisan o, ìlùk kìno yogotep akìgì.

ABÌKAKAN 3:7

Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

LUKAT 4:41

Atì'nogo hagarinapikomo, it he'nakit inebe logolegat, mokareke oabùt weak mene ina'la kìlìk welagaukwa mene nen mel yogosukwa: “Ala aput harat o,” ìlùk inane ngai ìlìk ìlìk wùlùpukwa meneat he, it ina'la nen he, “Karìsùt Ala nen, telninabuagalùk menhìlìk lakhei wesigin isike a'nogo ebe yìat o,” ìlùk, inelu nogo nen he, Yesùt en inane legat wùlùbuagalùk wenagisasike.

LUKAT 1:35

at malaikat a'nogo nen he, “Ala Areagùn hoba louk i wìrìk he, kuna'ma kagarek hak, ninopase Ala Etagepogot omame apik atì awe a'ma hagagin o. Hagoumo, heak Ala aligat aput tasumo re, apùnì nen, At atì Ala aput, ìlùk ìkì logogun o.

ABÌKAKAN 20:2

Atì'nogo wolok pi wagasik, at walo hake hùko o holo nen welagaike mene etage Ibilit ìgìk, Setan ìgìk, egarek mene a'nogo, ebe hakhìlìk, yì apùnì tì lalinaperek atì hak lalinapì'lek 1.000 tahun eki hele warek a'ma baga ma'loma logouagalùk pelapesik, kwe kekalim yagarogo kelaksagarek atì hak, kwe kunci yagarogo hikenem hìgì. Atoma logopik en, hikalogo lìakhei wesusak obaat eil omake hesik hikalek logouagalùk hikalogo lìakhei wesigin.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

IBERANI 2:14

At en he, “Apùnì atì an nagainapùrì,” ìlùk isike atì re, nit apùnì wa'lagorek mene hesik isike atì nen he, at ebe wa'laga logolìk, nit apùnì wa'lagorek mene ero at Ibilit eki ba welagarek mene atì, at Yesùt en at Ibilit ebe mabenetsìgìk,

LAKSASIKE 16:39

Inayùk agaukwasik, inebe wagaukwasik en, “Nagaiya'lak. Nit kolo hagatoma,” ìlùk Paùlùt Silat eperak hai warogo o ineki hele warek hisagarek oba nen wulaksa waga logolìk he, mel yogoisasukwa: “Hinebe o kota yoma logogùp o. Wele'ma lani o,” ìlùk inane lìok hogo yogoisasukwa.

LAKSASIKE 4:27

Atì'nogo isigin hagat, at Herotet mel, Potìùt Pilatùt mel, apùnì etakwe mene mel, apùnì Isirael mene mel, Yesùt, hat hokawerek haput nit apùnì telninabuagalùk menhesigin mene a'nogo, wasuogolùk eberogoat o yoma atogosi wagaika atì hesik isigin atì.

LAKSASIKE 2:27

Atì'nogo logogin atì re, an nebe apùnì wa'la'lùk lagaikarek oba atoma motok logouagalùk, hat en herakhanhìk, An hat haput hetaùken hutik mene nebe yì hili asuagalùk halolothanhìk, igin lek atì nenat o.

LUKAT 8:37

Atì'nogo yogoisasukwama, it apùnì o kota Kerasa mene mel, o esakokwe mene mel, inebe obogat inayùk apik agaukwasik he, Yesùt mel yogosukwa: “Yesùt. Hat hebe ninom yoma logousak lek. Lan o,” ìlùk yogosukwa. Atì'nogo yogosukwama, at Yesùt i so a'la kìlìk warogo re, apotkwe wagaike.

MAREKÙT 5:7

“Yesùt Ala Etagepogot aput yì, nìkì'nogo haga'nabigìlùk wagen,” ìlùk yogosikomo, at Yesùt en he, “Mokareke hoabùt weak mene yì, ap yì a'la nen henogo wùlìbi lan o,” ìlùk yogotenem, at a'nogo ane hùkorogo ìkì logolìk, “Eige. Nabìt e. Ala oak e. Weaga'napùn,” ìlùk ane hùkorogo isike.

MAREKÙT 1:34

Atogosi wagaukwama re, it yì ou tì ou wanhì lagaukwa mene inebe logolegat hano hagarinapìk, mokareke inoabùt weak mene inebe logolegat apùnì ina'la kìlìk were'ma henogo wulaksìgìk, isike. Ikenem he, it mokareke inoabùt weak mene amanogo nen at ebe hùthasukwa atì nen he, “Hinane usak lek o,” ìlùk wene palhike.

LUKAT 4:33

O sapan egarek oba amanogo were'ma, ap aike mokareke oabùt weak mene a'la kisikomo logolìk ane hùkorogo mel yogosike: