LUKAT 4:31 - Ala Ane Wene Ket Mene Warogo Wo'ninapike Wene

³¹ Inekele'ma nen kigik hogo wo'lakìlìk he, o Kalilea tokwe kota etage Kaperenagùm kisike. Kisikesik he, ineki sabìt oba Ala hesik welegat logolìk, wene yakùlisasike.

LUKAT 4:31 ပူးပေါင်းရင်းမြစ်များ

MATÌÙT 4:13

Lagai wagaikesik, a kota Nasaret a'nogo hebùlùk he, o kota Kaperenagùm i Kalilea yekelek esakoma, it ap inùkùl etage Sepulon mene ho, Naptali mene ho, inaua atoma logoigìlùk lagai wagaike.

LAKSASIKE 13:50

Atì'nogo ukalarìk wùlùpenem he, it apùnì Yahuri mene nen he, hìmì ap etakwe mene inagagwì kaintek Ala ane wanhukwa mene mel, it ap o kota atoma inetagewerek kaintek welagaukwa mene mel, inom en Paùlùt Parenapat eperak mùgisoagalùk ina'la kagalhukwa. Atì'nogo ina'la kagalhukwama re, it en he, “Hit nit ninaua yoma logousak lek o,” ìlùk mùk hogo wulaksasukwa.

MATÌÙT 10:23

O sili aike nen weagathinabuogolùk iko halok he, hese o sili aike lano. It apùnì Isirael mene inawi sili he'nakìt oan wene yogoisìgì'lek werek kolegat he, an abat ta'lasi wagagi a'nogo hobuk wesigin o, ìlùk, nane eberogoat yogohisìgì.

LAKSASIKE 18:4

Atì'nogo kato inom logolìk, ninhùp-nanhùp Ala hesik ineki welegat logolìk sapan uogolùk ikenem, o apùnì Yahuri mene sapan ìkì lagaukwa ba kìlìk he, it apùnì Yahuri mene lek, Yunani mene lek, Yesùt ane wanuagalùk ina'la kagalhì lagaike.

LUKAT 4:23

Atì'nogo hogorasukwama, at Yesùt en he, mel yogoisasike: “Apùnì nen, ninhùp-nanhùbat ìkì logolìk, Hat hebe ap loktet hake aroma re, hoba ou atì hokawerek en hagaran o, ìlùk egarek mene, hit en lagak hogo an yogonesugun hìgì. Atì'nogo yogonerik he, O Kaperenagùm hagatì lagen mene holhì lago atì hak he, yogotak hokawerek haua yoma atì'nogoat aike hagasin o, ìlùk, yogonesuogolùk ìkì lagep hìgì,” ìlùk atì'nogo yogoisìlìk aike mel yogoisasike: