LUKAT 4:22 - Ala Ane Wene Ket Mene Warogo Wo'ninapike Wene

²² it apùnì amanogo nen he, mel isukwa: “At yì ap Yùsùp aput a'nogo lek nogo? Arat o. Meneat he, at en wane hano motok yakùlnisike atì nayùk e,” ìlùk hogorasukwa.

LUKAT 4:22 ပူးပေါင်းရင်းမြစ်များ

YOHANET 6:42

“At yì etage Yesùt, ap Yùsùp aput. Nen, at opase agosa ninelu meneat he, at en ìkì logolìk, An nebe re, pogot oba nen pi wagagi, ìlùk ike atì nìkì'nogo nen ike akegep,” ìlùk isukwama re,

TITUT 2:8

Atì'nogo yakùlisikenem, it aike wene atì inabìt mene nen, “It weak hagata,” ìlùk, wene nit ninoba le'maat ikenem, inekalì asuagalùk, ebe weneat hano'ninaperek wene, weak usak lek mene a'nogo, yakùlisìkì logoino.

LAKSASIKE 6:10

Atì'nogo wenagasukwa meneat he, at Sitepanùt Ala Areagùn a'la kìlìk logolìk, wene higirat kagauk hogo ikenem, it inane oko nìkì'nogo yogosu heat haga'lagaike.

YOHANET 7:46

it en he, mel yogoisasukwa: “Egi! Wene at en ìlì'logo atì hak he, it ap aike nen wene atì'nogo ikenem isogorek lek meneat he, at en wene hùnogoat ìlì'logo atì nen ebe hehogo o,” ìlùk, yogoisasukwama re,

LUKAT 2:47

Atì'nogo ìkì logolìk, it en hinok wanhenem, at wene motok elu logolìk oko yogoisasike atì nen he, it ap atogorek welagaukwa mene amanogo obogat ane inasuk holhukwasik he, “Nayùk e!” ìlùk hogorasukwa.

LUKAT 2:48

Atì'nogo hogoratenem, it at agosa opase eperak en ebe arat herasukwasik he, “Nayùk e!” ìlùk hogorasukwa. Hogorasukwasik agosa nen he, mel yogosike: “Neak, hat yì'nogo haga'ninapen nenahalok. Hopase neperak ninalabut hìrìk herakhabìk nìkì lago yì heileken nisan,” ìlùk atì'nogo yogosikomo,

LUKAT 4:21

Atì'nogo lakhiko were'ma, at Yesùt en he, “Ala ane helal waganek mene yì ba, Tì'nogo hagasugun, ìlùk isukwa mene a'nogo yogotak yakùlhisikenem hinasuk holho kolek yaat eperak higit agì o,” ìlùk isikomo,

YOHANET 1:45

Opolik laga logolìk, at Pilipùt a'nogo hobuk ap Nataniel eperak apì arìk, mel yogosike: “Nataniel. At Musa nen wene Ala nen ninasuk wasike wene a'nogo ba, ap aike abok ìkì logolìk helal wanhìk, nen, it ap Ala ane yogoisìkì lagaukwa mene amanogo nen abok ìkì logolìk helal wanhìk, isukwa mene a'nogo, nit arat ninom apì ago. At ebe re, Yùsùp aput o Nasaret mene Yesùt at o,” ìlùk yogosike meneat he,