LUKAT 4:18 - Ala Ane Wene Ket Mene Warogo Wo'ninapike Wene

¹⁸ “It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

LUKAT 4:18 ပူးပေါင်းရင်းမြစ်များ

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

MATÌÙT 12:18

At Ala nen he: “Hìthani! At atì re, an natitigeke logouagalùk nokawerek en weteberogo menhìgì. Netaùken hutìk noba lìoksek, at atìat o. An Nareagùn at wogosumo oba louk umo re, an nen apùnì ùkùm inoba hìgìk, kotìk, higit hogoat igin atì hesik, at en it apùnì etakwe mene wene pak hogo yogoisìkì logogin o.

MATÌÙT 12:20

O wùrep oba at en ùkùm apùnì inoba hìgìk, kotìk, higit hogoat ìkì logolìk, at omame asigin atì oan werek kolek, heiteka oak sigilik mene, at en hukaligin lek o. Nen, esage amulok lagagì'lek hule nek lagaike halok he, at en nogoligin legat o.

MATÌÙT 4:16

O mùmmo welagasep mene atì, o lìathinabigin mene hùko mene aike hegep o. Hit o atoma wa'lasuogolùk hinoba mùm arì'mo, lìathinabigin mene aike waga atì o,” isike a'nogo higit hogo haga'lasuagalùk Yesùt atoma lagai wagaike atì.

MATÌÙT 5:3

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

LUKAT 4:17

Melagaikomo re, ap aike nen Ala ane ap Yesaya nen helal waganogo hesike mene a'nogo Yesùt wogosike. Wogosikomo hùkùlogo eileken hìthasike re, wene mel isike mene helai waganek were'ma etage salogo yakùlisasike:

LUKAT 6:20

Atì'nogo hagatenem, at Yesùt en agoromì ane wanhì lagaukwa mene amanogo eileken inoba hìlìk he, mel yogoisasike: “Hit hinelageik mene hùgì, Ala awe a'ma hikegein atì nen he, hina'la hai hakìkì logoino o.

LUKAT 7:22

Yohanet agoromì wagaukwa mene amanogo mel yogoisasike: “Hit en he, an yì'nogo tì'nogo hagatenem hineileken nììgìk, wene ikenem hinasuk holhìk, egep mene atì, at Yohanet sekek hogo yogosi lano o. Ineileken mùm mene hekenogo hano agìk, inawe wùt warek mene kwe lagìk, inoba henako hake mene hagarinapenem hano agìk, inesako togùm mene huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano.

YOHANET 1:41

Yesùt opolik lìlìk inom welagaukwasik he, at Atereat atì tak oe Simon a'nogo herarìk lagaikesik, eperak apì agaukwasik he, mel yogosike. Nit ninane ba Karìsùt apùnì telninapùkwe Ala nen ayoko hìlìk lakhei wesigin isike a'nogo u hak he, it inane ba, Mesiat ìlùk, “Mesiat a'nogo nit arat ninom apì ago,” ìlùk, yogosike.

YOHANET 12:46

Nen, it apùnì inetaùken an noba hìpìrethogoin mene hùgì obogat he, o mùm oba logoinogo ìlùk, harinabigìlùk an nebe lìarinapìrek mene kweangma yoma pi wagagi o.

YOHANET 3:34

At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.

LAKSASIKE 4:26

It ap inetagepogot kweangma mene yoma melarìk, kaintek aike inom lapuk hogo atogothìlìk, ninopase Etagepogot Ala, it en he, Ebe ninabìt. Aput Karìsùt ayoko hìlìk lakhei wagaike mene atì, ninabìrat. Ninom yabuok, ìlùk atì hesigat hebelogo werek, ìlùk isiginmo ebe Taùt en isike atì.

LAKSASIKE 4:27

Atì'nogo isigin hagat, at Herotet mel, Potìùt Pilatùt mel, apùnì etakwe mene mel, apùnì Isirael mene mel, Yesùt, hat hokawerek haput nit apùnì telninabuagalùk menhesigin mene a'nogo, wasuogolùk eberogoat o yoma atogosi wagaika atì hesik isigin atì.

KOLOSE 1:13

Nit alep o mùmmo weak mene nen awe a'ma hele warogo ha'nisek were'ma, Ala nen hele hikalogo wo'ninabìk he, aput etawì mene a'nogo ha'nisek logouagalùk awe a'ma hinikomo welago.

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

1 PETERÙT 2:9

Mene re, hit enek he, “At Ala nen hano haga'ninabì'logo,” ìlùk abok yogoisìlìk loagalùk, hinebe o mùmmo were'ma, at ebe elalinat lìa motok welagarek oba wesuagalùk hinayoko hesikesik, hit at againapùrì asuagalùk wenakhinapìk, at ebe esewerek kaintek logouagalùk menhikìgìk, hinùkùl etage at okawerek ùkùl etage mene salogo hikìgìk, “Nokawerek nagainapùrì,” ìlùk hinebe wokhinapìk, isike atì.