LUKAT 3:3 - Ala Ane Wene Ket Mene Warogo Wo'ninapike Wene

³ Atì'nogo yogosikomo, o Yoretan tokwe atoma ya ta nìkì logolìk, apùnì yogoisìkì logolìk he, mel ìkì lagaike: “Ùkùm hinoba mene Ala nen sagalogo legetsoagalùk he, hit weak hagatì lagep mene atì heraksìlìk, hinoabùt hebela'ni. Hinoabùt hebelasumo, an nen ima pelakhinapì logogin o,” ìlùk, yogoisìlìk nìkì lagaike.

LUKAT 3:3 ပူးပေါင်းရင်းမြစ်များ

LAKSASIKE 22:16

Mene re, hat yogotak aregenma logousak lek. Hebe mel arìk he, hat weak hagatì lagen mene Ala nen sobalhapìk, it aike nen ima pelakhapìk, uak en he, Yesùt etage palogo Ala ayoko heino, ìlùk yogonesike,” ìlùk yogoisasike.

LAKSASIKE 19:4

Atì'nogo yogosukwama, at Paùlùt en he, “Yohanet en ima pelaginapì lagaike atì, it apùnì nen, Weak hagatì lago mene arat heraksogosik ninoabùt hebelago, ìlùk iko halok pelaginapì lagaike. Atì'nogo pelaginapì logolìk he, mel yogoisìkì lagaike: An nopolik ap aike wesigin. Halok hinetaùken at oba hìpìrethìlìk logoino o, ìlùk ebe Yesùt hesigat yogoisìkì lagaike atì,” ìlùk yogoisasike.

LAKSASIKE 13:24

At Yesùt ebe hobuk wìrìk, yabu oan hagatì'lek werek kolek he, elokoma Yohanet tak wagaikesik, apùnì Isirael mene mel yogoisìkì lagaike: Hit weak hagatì lagep mene hukalogo heraksìlìk hinoabùt hebelini o. Hebelumo re, an nen ima pelakhinabigin o, ìlùk inebe obogat yogoisìkì lagaike.

YOHANET 3:26

Wene palhì lagaukwasik, Yohanet oba lagaukwasik he, mel yogosukwa: “Noe. Ap aike hat heperak i Yoretan aik ìlì bakwe logolìk, at hesik abok pìlìngìrogo yogonisasigin mene a'nogo nen ima pelaginapenem apùnì inebe obogat at oba wìrì'lùgì o,” ìlùk, yogosukwa.

MATÌÙT 3:11

Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.

YOHANET 1:28

Wene atì'nogo isukwa atì re, at Yohanet en apùnì i Yoretan aik ìlì bakwe, ima pelaginapì lagaìke ba, o etage Petania logolìk en isukwa.

LUKAT 4:1

At Yesùt i Yoretan ima pikenem, Ala Areagùn a'la peserogo kisikomo wùlìbi wagaikesik laganem, at Ala Areagùn nen ebe wolok he, o leimo apùnì le'ma atoma lagaike.