LUKAT 24:51 - Ala Ane Wene Ket Mene Warogo Wo'ninapike Wene

⁵¹ Atì'nogo hai warinapo kolek aremnogoat he, it atem werek kolek, Ala nen, at ebe hapok hogo wolok pogot oba lagasike.

LUKAT 24:51 ပူးပေါင်းရင်းမြစ်များ

LAKSASIKE 1:9

Wene atì'nogo arat yogoisasikomo, Ala nen at ebe pogot oba lìakhikenem, ineileken werek kolegat ohena nen salhikomo re, ineileken hobuk hìgì'lek.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

IBERANI 4:14

Nit ninoe kain Ala esewerek Ala aput Yesùt pogot pelakha wagìk, pogot abel pokwe Ala were'ma lagasikesik nit hesik werek atì nen he, nit ninetaùken at oba hìpìrethìlìk ninane pak hogo ìkì lago mene atì, nineki ning hogo hesogo logouok o.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

MAREKÙT 16:19

Wene atì'nogo arat yogoisasikomo re, at Ala nen Yesùt ebe pogot oba wolok lagasike. Atì'nogo wolok lagasikomo era'lu eki ebekwe kain welagarek.

LUKAT 24:50

At Yesùt en wene atì'nogo warisasikesik, it agoromì amanogo o kota hùkoma nen wogisek wùlìpikesik he, o Petania atoma lagaike. Lagaikesik, eki lìakhìlìk he, apùnì nen it aike mokareke wog'isagarek atì hak, “Ala nen sethisek logolìk hanothinapì logouak o,” ìlùk hai warinapike.

LUKAT 24:52

Atì'nogo lagaikenem he, it agoromì amanogo ineitep awì yagasogo hogora'lùk he, ina'la hai apik hakìlìk, o Yerusalem inapotkwe wagaukwa.