LUKAT 24:44 - Ala Ane Wene Ket Mene Warogo Wo'ninapike Wene

⁴⁴ Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

LUKAT 24:44 ပူးပေါင်းရင်းမြစ်များ

LUKAT 9:22

Inasuk atì'nogo wasikesik he: “An abat ta'lasi wagagi a'nogo, it ap inalùgetek mel, it ap Ala esewerek mene inogogi kaintek mel, Ala ane helal waganek esewerek mene mel, inom en, an nebe inabìt arìk, yì aik tì aik apigat haga'nabìk, nebe noasugun o. Noasumo re, nebe neki pìre warek logopik, aike nen he, Ala nen nelugu'nabigin o,” ìlùk, yogoisasike.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

IBERANI 10:1

It apùnì Yahuri mene wene Ala nen ninasuk wasike wene atì higit hogo hagatì logolìk, ebe mene hagatì lagaukwa hùk. We, ebe hobuk hano'ninabigin mene werek kolek, oba lìrogo hagatìk, alìk waganogo hagatìk, ìkì lagaukwa. It atì'nogo hagatì logolìk, o mo lagagìk, pìgìk, iko kolek, yì tahun tì tahun wam Ala waretì lagaukwa mene atì mene nek wareto motok welagaukwa atì nen he, it apùnì wam Ala waresi waga lagaukwa mene hùgì atì ba nen katok hogo hanorinabusak mea aga lagaike atì.

YOHANET 5:46

An nabok hinelu asuagalùk, at Musa nen helal waganogo hesike atì nen he, at en helal wanhìke mene atì eberogoat ìlùk hùthìkì logoilepma re, Yesùt eberogoat, ìlùk hùthanilebat o.

IBERANI 9:8

Atì'nogo hagatì logousak ìlùk wene inasuk warek welagaike atì oba lìrogo, nit tùkùm hogo hùthoagalùk Ala Areagùn nen, mel yakùlnisikerek: “O hùlù kwe ba sekelek atì werek kolek, Ala okawerek awì ebe mene kwe hùtì'lek yagarek welagaike,” ìlùk yakùlnisìlì'logo.

YOHANET 5:39

Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

YOHANET 3:14

Nen, ap Musa o leimo apùnì le'ma atoma logolìk, walo hake hagarogo e ba menhesike atì hak, it apùnì yoma inetaùken an abat ta'lasi wagagi mene yì noba hìpìrethogoin mene hùgì, inebe lopok ineluk motok logouagalùk, an atì'nogoat menhanusak obaat menhanugunat o.

LUKAT 24:46

Atì'nogo inetaùken healogo yogoisìkì logolìk, “Ala nen Karìsùt ayoko hìlìk lakhei wesigin isike mene helal mel ìlùk waganek werek: Yì aik tì aik hìlìk hìlìk wa'larìk en, eki pìre warek logopik he, aike yì nen he, wa'la'lùk lagaikare'ma nen eluk asigin o, ìlùk helal waganek werek.

IBERANI 7:1

Ap Melekiserek atì ebe re, apùnì o Salem mene inoe kain logolìk, Ala Etagepogot esewerek welagaike. Ap Melekiserek atì etage nit ninane ba re, “Kain etagepogot oabùt higit hogo nek hagaterek mene,” ìlùk u hak, etage Melekiserek sale'ma ìkì lagaukwa atì. Nen, aike re, “Kain etagepogot hogot walherek mene,” ìlùk u hak, apùnì o Salem mene inoe kain etagepogot ìlùk ìkì lagaukwaat. At Melekiserek atì hesik he, at agosa opase tì nen tago mene ìgìk, opa apu tì nen tagokwe mene ìgìk, at tì hùlì ta'lagaike ìgìk, tì hùlì wa'lagaike ìgìk, sekek hogo aike ìgì'legat. Atì nen he, at Ala ebe aput eperak higit logolìk, at ebe Ala esewerek motok welagarek hakeat o. Were'ma, ap Aberaham ap kaintek mene inoa'lùk apotkwe waganem he, at Melekiserek atì nen eileken ha wùlìpikesik he, apùnì nen mokareke it aike inoba hagarek atì hak, at en he, “Ala nen hebe hanothabuak,” ìlùk ane agauk hogo yogosike. Atì'nogo yogosikomo, at Aberaham en, weim atì yapì logolìk, yì mene tì mene hùgùleke wanhike mene obogat eki wenagasogo hetakwe mìkìlogo 10 ba lagai wagaike mene, Ala hesik hisìlìk, at Melekiserek wogosike.

IBERANI 3:5

At Musa ebe Ala atitigeke logolìk, Ala againapùrì inebe at awì wùrìk negen ìlùk, it hesik oabùt hùpùn hogo hagatì logolìk, mel ìkì lagaike: “Ala nen yì wene tì wene hobuk yì'nogo yogonisegein mene werek,” ìlùk abok yogoisìkì lagaike.

LAKSASIKE 7:37

Nen, apùnì Isirael mene yogoisìkì logolìk he: Ala nen ap at ane yogohisìkì logouagalùk, ap hit mene aike an menhanhike atì hak, hobuk menhegein a'naga o, ìlùk yogoisasike atì, at Musa nenat o.

LUKAT 22:37

An haga'nabugun mene hesik helal waganogo hìkì logolìk he, At atì apùnì inoabùt weak hagatarek mene inom higit hogo hagarinapa o, ìlùk isukwa atì, an noba higit asusak meneat yogotak higit arìk wìrì'logo atì nen yogohisìgì o,” ìlùk yogoisasikomo,

LUKAT 9:44

“An wene yogohisegein yì hanorogo hùthìkì logoni o. An abat ta'lasi wagagi a'nogo ap en yoko lìlìk it aike nen noasuagalùk ineki ba hanugun o,” ìlùk yogoisasike meneat he,

MATÌÙT 26:56

it ap Ala ane yogoisìkì lagaukwa mene nen helal wanhukwa a'nogo eperak higit asuagalùk haga'napep o,” ìlùk, yogoisasikomo re, it ap at ane wanhì lagaukwa mene amanogo, at ebe hebùlùk hese motok pùgùlhukwa.

MATÌÙT 26:54

Telnabi wesusak elok meneat he, telnabilepma re, Ala nen, Atì'nogo haga'lasigin, ìlùk isikomo helal waganek werek a'nogo re, nìkì'nogo eperak higit a'lep akegen. Lek o. Higit asuagalùk atì'nogo yogotì'lek kamo ìgì atì,” ìlùk, yogosikesik he,

MATÌÙT 16:21

Hùlì atì hùlì nen he, at Yesùt en agoromì ane wanhì lagaukwa mene amanogo at hobuk hagasigin mene pak hogo mel yogoisasike: “An o Yerusalem a'loma lasak welagì o. Lamo re, it ap inalùgetek amanogo mel, Ala esewerek mene inogogì kaintek mel, Ala ane helal waganek esewerek mene mel, inom en, yì aik tì aik apigat haga'nabìk nebe noasugun o. Noasumo, nebe warek neki pìre were'ma re, aike nen he, Ala nen nelugu'nabigin o,” ìlùk pak hogo yogoisasike.

1 PETERÙT 1:11

Atì'nogo yogoisìkì lagaukwa atì, at Karìsùt Areagùn ina'la logolìk yogoisìkì logolìk he, mel isike: “Karìsùt aik hìlìk hìlìk wa'lasigin. Wa'larìk en, hobuk eluk aganem hogoratì logogun,” ìlùk yogoisasikomo it en ìkì logolìgat he, “Nìkì'nogo haga'lasigin. Mera nen haga'lasigin,” ìlùk hinok tùkùm hogo wanhì lagaukwa.

LAKSASIKE 3:18

Hageat Ala nen he, An nen telhinabigin mene Karìsùt hinoba lakhei wesigin atì, ebe yì aik tì aik oba hìlìk wasugunat o, ìlùk wene wa'nisasike mene atì, ebe it ap at ane yogoisìkì lagaukwa mene amanogo inebe obogat en ìkì lagaukwa atì hagat haga'lasuagalùk haga'laga atì.

MATÌÙT 1:22

Atì'nogo hagasugun ìlùk he, ninopase Ala Etagepogot en he, ap aike hageat ayoko hesikomo wene yogoisìkì logolìk he, helal waganogo hesike mene higit hogoat haga'lasuagalùk isike atì.

LAKSASIKE 2:27

Atì'nogo logogin atì re, an nebe apùnì wa'la'lùk lagaikarek oba atoma motok logouagalùk, hat en herakhanhìk, An hat haput hetaùken hutik mene nebe yì hili asuagalùk halolothanhìk, igin lek atì nenat o.

LAKSASIKE 13:40

Mene re, it ap Ala ane yogoisìkì lagaukwa mene amanogo nen he, mel isukwa: Hit o yogotak welagep ya ba re, an nen yì mene tì mene hagatenem, at aike nen sekek hogo yakùlhisikenem he, hit en ebarogoat ìlùk huthìgì'lek logolìk hina'la meathìkì lagep atì lakhani! An nen atì'nogo hagatenem hineileken hìlìk hogoratì logolìk he, hinebe wa'lakogoin atì, ìlùk Ala nen isikomo halal waganogo hesukwa atì hak, hit hinoba asinogo ìlùk he, wene hinasuk tùkùm hogo holhì logoino o,” ìlùk yogoisasike.