LUKAT 24:25 - Ala Ane Wene Ket Mene Warogo Wo'ninapike Wene

²⁵ Atì'nogo yogosukwama, at Yesùt en he, “Eige! Hinebe kepù a? Ap Ala ane yogoisìkì lagaukwa mene amanogo nen wene obogat yogoisìkì lagaukwa a'nogo eberogoat ìlùk hit hepok hùthahùk welagep yì rì!

LUKAT 24:25 ပူးပေါင်းရင်းမြစ်များ

MAREKÙT 9:19

Yogosikomo re, at en it apùnì amamogo mel yogoisasike: “Hit apùnì o yogotak welagep mene yì re, hinetaùken noba hìpìrethìgì'lek welagep yì rì! An nepe morogo neki mìren oba ninom logogun nogo. Yekerek arì an noba wolok we'ni o,” ìlùk yogoisasikomo oba wolok wagaukwa.

MAREKÙT 7:18

Hinok wanhukwama re, at en he, mel yogoisasike: “Hit hogo re, it hinom higirat wene atì hùthìgì'lek welagep a? Yì mene tì mene inapelekwe kelabìk ina'la pelapenem weagarinabusak lek o, ìlùk hùthìgì'legat welagep hìgì.

MAREKÙT 16:14

Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.

MATÌÙT 26:24

An abat ta'lasi wagagi a'nogo, hagasigin mene helal waganek werek higit hogoat hagasigin meneat he, at ap nebe noasuagalùk yoko legein mene atì nek he, eigo. Motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasikomo,

LUKAT 24:24

Nen, nit ninagaiya'lak he'nakìt omoulama warek haga ba atì ha wagaika mene re, ebe le'ma nen he, Hìmì yogonisa lagaika a'nogo eberogoat hìgì, ìlùk, Yesùt ebe ineileken hìgì'lek lagaikaat o,” ìlùk Yesùt yogosukwa.

YOHANET 5:39

Hit en akìkì logolìk, Nineluk motok logogun he, Ala ane helal waganek hesogo welago yì baat logogun o, ìlùk, helal waganek atì hanorogo hìthegesep meneat he, helal waganek atì, an nebe hùthanuagalùk wanhukwama werek kolegat he,

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.