LUKAT 23:8 - Ala Ane Wene Ket Mene Warogo Wo'ninapike Wene

⁸ Lakhei wagaikomo re, at Herotet a'nogo Yesùt hagatì lagaike mene alebat asuk holhikesik, a'la nen he, “Ebe neileken hele e. Elalinat hagarinabìk niko atì, aike hagatenem an neileken hele e,” ìlùk akìlìk were'ma nogo nen he, at Yesùt ebe oba wolok wagaukwama, eileken hìlìk a'la hai hakasike.

LUKAT 23:8 ပူးပေါင်းရင်းမြစ်များ

MAREKÙT 6:14

Yesùt agoromì nen atì'nogo hagarinabìk laganem he, at Yesùt etage apùnì o ya ta atoma inelu agaukwasik abok ikenem, at kain etagepogot Herotet asuk holhikeat. Atì'nogo ikenem it apùnì aike nen he, mel ìkì lagaukwa: “Yohanet ima pelaginapì lagaike mene ebe watama wa'laga a'nogo eluk agasik niko hìgì. Atì'nogo eluk agasik nogo nen he, hagasusak lek mene elalinat hagarìk niko atì,” ìgìk,

MATÌÙT 14:1

O atem higit he, at Herotet o Kalilea tokwe kain 14 etagepogot welagaike mene atì, Yesùt en hagatì lagaike mene abok holhikesik he,

LAKSASIKE 8:19

Wolok wagaikesik, mel yogoisasike: “An neki apùnì aike inoba sebelhenemm, Ala nen Areagùn atì'nogoat wogisikenem helìkì logouagalùk, an ninomat esewerek asuok en, hit hagatì lagep atì awene yakùlne'ni o,” ìlùk kìno yogoisasike.

LUKAT 4:23

Atì'nogo hogorasukwama, at Yesùt en he, mel yogoisasike: “Apùnì nen, ninhùp-nanhùbat ìkì logolìk, Hat hebe ap loktet hake aroma re, hoba ou atì hokawerek en hagaran o, ìlùk egarek mene, hit en lagak hogo an yogonesugun hìgì. Atì'nogo yogonerik he, O Kaperenagùm hagatì lagen mene holhì lago atì hak he, yogotak hokawerek haua yoma atì'nogoat aike hagasin o, ìlùk, yogonesuogolùk ìkì lagep hìgì,” ìlùk atì'nogo yogoisìlìk aike mel yogoisasike:

MAREKÙT 8:34

Wenagasikesik he, apùnì logolek amanogo inom, agoromì ane wanhì lagaukwa mene amanogo inom, waisasikomo wagaukwama re, mel yogoisasike: “At sa nen an nopolik nìkì logoigìlùk halok he, oabùt okawerek hesik hagaterek mene atì, Nabìt, ìlùk heraksalùk he, e ba menhisìlìk inoatarek mene atì ageiyo meneat wolok he, an nopolik nìkì logoigìlùkk wesuak o.