LUKAT 23:6 - Ala Ane Wene Ket Mene Warogo Wo'ninapike Wene

⁶ Atì'nogo yogosukwama, at Pilatùt a'nogo asuk holhikesik he, “Ap yì o Kalilea mene a?” ìlùk, apùnì amanogo yogoisasikomo,

LUKAT 23:6 ပူးပေါင်းရင်းမြစ်များ

LAKSASIKE 5:37

Lek agaikomo re, hobuk kaintek pemerintah mene nen apùnì inebe ineki wenaginabuogolùk ikenem he, ap aike aua Kalilea mene, etage Yarat melagaike. Melagaikesik, apùnì logwolegat ina'la kagalhikomo re, at awe a'ma kìlìk opolik nìkì lagaukwaat. Mene re, at ebe wasukwaat. Wasukwama, agoromì awe a'ma kìlìk opolik nìkì lagaukwa mene pùgùlìk-pagalìk isukwaat atì.

LUKAT 13:1

Atì sapùl he, it apùnì aike nen Yesùt mel yogosukwa: “Apùnì Kalilea mene Ala ako waretenem, at Pilatùt en it inamep inom, Ala ako wareta mene amep inom, apìkwe wulagasogo inoate o,” ìlùk yogosi wagaukwa.

MATÌÙT 26:69

Atì'nogo yogoto kolek, at Peterùt a'nogo olilu o hokole'ma hùrek were'ma, helekerek inatitigeke mene aike oba wagaikesik he, mel yogosike: “Hat hogo re, Yesùt Kalilea mene atì hinom negesep mene akìgì,” ìlùk yogosikomo,

LUKAT 23:5

it amanogo hobuk inane motok kei-karogo mel yogosukwa: “Lek o. Ap yì wene yakùlisìlìk nìkì logolìk he, apùnì o Yurea mene ya ta obogat ina'la kagalìk niko. Emakum o Kalilea atoma nen ina'la kagalìk kagalìk he, o yoma waga yì,” ìlùk yogosukwa.

LUKAT 23:7

it en he, “Ap atì, o at kain Herotet en hagisek welagare'ma amanogo mene o,” ìlùk yogosukwama asuk holhikesik he, atì sat, ap kain Herotet ebe o Yerusalem atoma pìlìk were'ma nogo nen he, oba lakhei wagaike atì.