LUKAT 23:54 - Ala Ane Wene Ket Mene Warogo Wo'ninapike Wene

⁵⁴ Hesike atì sat, it apùnì Yahuri mene hamùlùgat logopik sapan uogolùk logolìk, yì mene tì mene nomologo hagarek oba higit hari Jumat hesike.

LUKAT 23:54 ပူးပေါင်းရင်းမြစ်များ

MATÌÙT 27:62

It apùnì Yahurì mene sapan hùenkwe iko welegat logouogolùk he, yogota'ne hak yì mene tì mene nìmì'-nomok hogo hùlùk, it ap Ala esewerek mene inogogì kaintek amanogo mel, Parisi mene mel, inebe atogorogo Pilatùt oba lagaukwasik he,

YOHANET 19:31

Atì sat he, ohealekokwe ineki sabìt oba Ala hesik welegat logouogolùk isukwa. Meneat he, ineki sabìt oba Ala hesik welegat ninhùp-nanhùp welagaikarek hak hùk. We, hunigat esin mene logouogolùk nogo nen he, mel isukwa: “Nineki Ala hesik welegat werek kolek it inebe e ba menhisaga mene atì warek e baat logousak he, ninabìt,” ìlùk, ap warek atì inoak hukalogo hìlìk, kopologo pelaksa wesuogolùk, it ap Yahuri mene nen, at Pilatùt kìno yogosi lagaukwa.

MAREKÙT 15:42

At Yesùt wa'lagaike atì re, it apùnì Yahuri mene hùenkwe ineki sabìt oba Ala hesik welegat logouogolùk, yì mene tì mene nomologo hiko kolek wa'lagaike. Wa'lagaikomo, o arat hi isikomo re, ap aike Yahuri inogogì kaintek wene pìlìngìsùogolùk inom atogotì lagaukwa mene etage Yùsùp. Aua o Arimatea mene. Oabùt hano nen he, apùnì nen, “At hano,” ìlùk abok ìkì lagaukwa. Atì'nogo hagatì logolìk, a'la nen he, “Ala nen awe a'ma mera nen hinegein,” ìlùk serogo welagaike mene atì, Pilatùt ayùk legat lagaikesik he, Yesùt warek kìno kisike.

YOHANET 19:42

Ati'nogo were'ma, ohealekokwe re, it apùnì Yahuri mene ineki sabìt oba Ala hesik welegat logouogolùk, omoula a'nogo horogat nogo nen he, warek a'nogo omoulama atì hesukwa.

YOHANET 19:14

Hù'lagaike atì at he, ohealekokwe pesta Paskah nìlìk lùogolùk, yì mane tì mene nomologo hiko kolek, jam 12 hake like tùlem hù'lagaike. Hù'lagaikesik, apùnì Yahuri mene mel yogoisasike: “Yì sanì. Ap yì hit hinoe etagepogot yì hineileken hani!” ìlùk yogoisasikomo,

LUKAT 23:53

Kino lagaikomo, at Pilatùt en, “Ì o, hano,” ìlùk yogosikomo, wagaikesik Yesùt warek a'nogo e ba nen pelakhei wìrìk he, su kain kut mene ba ìkìlogo re, omoula apùnì warek hisìkì logouogolùk helep ako kerat holelhukwasik he, warek oan hisìgì'le'ma hesike.