LUKAT 23:5 - Ala Ane Wene Ket Mene Warogo Wo'ninapike Wene

⁵ it amanogo hobuk inane motok kei-karogo mel yogosukwa: “Lek o. Ap yì wene yakùlisìlìk nìkì logolìk he, apùnì o Yurea mene ya ta obogat ina'la kagalìk niko. Emakum o Kalilea atoma nen ina'la kagalìk kagalìk he, o yoma waga yì,” ìlùk yogosukwa.

LUKAT 23:5 ပူးပေါင်းရင်းမြစ်များ

YOHANET 2:11

At Yesùt ebe hùthoagalùk elalin mene aike hagatì'le'ma emakum hagasike re, o Kalilea o kota Kana logolìk hagasike atì. Atì'nogo hagasike atì ba, at hogoratarek mene inelurogo yakùlisasikomo, it at agoromì ane wanhì lagaukwa mane amanogo Yesùt ebe hùthìlìk, inetaùken at oba hìpìrethesukwa.

YOHANET 1:43

Etage atì'nogo salhikesik, nogo ìlùk hùenkwe re, at Yesùt o Kalilea lagai wesigìlùk akasikesik lagai wagaike hak, ap etage Pilipùt eperak apì agaukwasik he, mel yogosike: “Nagot e. An nopolik eme o,” ìlùk ayoko hesikomo opolik lagaike.

MAREKÙT 1:14

Hobuk he, Yohanet a'nogo eki hele wasukwasi'mo re, at Yesùt o Kalilea tokwe lagai wìrìk he, Ala ane hano wene a'nogo yogoisìlìk nìkì lagaike.

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

LAKSASIKE 23:10

inane hùkoat sagalhì logolìk, Paùlùt ebe o'moko nen lisìgìk, o'moko nen lisìgìk, wasinogo ìlùk, it ap tentara esa logolhì lagaukwa mene inoe kain a'nogo nen, agoromì it ap amanogo inoba pìlìk, Paùlùt ebe ina'la nen telogo o ningsek wùrì'mo a'nogo wolok kuagalùk yogoisasike.

LAKSASIKE 10:37

Wene ebe haga'lagaike atì re, at Yohanet en ima pelaginapì logolìk, wene ima pelaginaparek wene atì yogoisìkì lagaikesi'mo nen, at Yesùt aua Nasaret mene atì, Ala nen Areagùn oba pelakhei wagìk, omame wogotìk, isikesik, eperak welagaike atì nen, alebagìk o Kalilea tokwe atoma nen, o apùnì Yahuri mene inaua ya ta atoma laga logolìk, yì mene tì mene hanorogo hagatìk, it aike Ibilit en ning hogo hagisek welagaike mene hagarinapìk, ìlìk nìkì lagaike atì hineluat o.

LAKSASIKE 7:57

Atì'nogo yogoisasikomo, it manogo inane a'mìt sup ìlìk he, ineki inesako te'mek hogo, humusek apìneat oba hobotha kisukwa.

LAKSASIKE 7:54

At Sitepanùt en wene atì'nogo yogoisìkì lagaikomo, it inasuk holhukwasik, ina'mage lagalìk, inaik hùnethìlìk ebe wasuogolùk isukwa.

LAKSASIKE 5:33

Atì'nogo yogoisasikomo re, it ina'mage apik lagalìk ap Yesùt en inayoko hìlìk laksasike mene a'nogo inoasuogolùk isukwa.

YOHANET 19:15

it en inane ning hogo sì'lamok-wa'lamok, ìkì logolìk he, “At ebe wa'no o! Wa'no o! E ba menhìlìk wa'no o!” ìlùk yogosukwama, at Pilatùt en he, mel yogoisasike: “An nen hit hinoe etagepogot yì, e ba menhìlìk wasusak akìkì lagep?” ìlùk yogoisasikomo, it ap Ala esewerek inogogì kaintek en he, mel yogosukwa: “Nit ninoe etagepogot aike lek. We, Kaisat aligat o,” ìlùk yogosukwama,

YOHANET 7:52

it en at mel yogosukwa: “Hat hogo re, haua o Kalilea mene nogo? Ap Ala ane yogoisagarek mene aike o Kalilea nen wesigin ìlùk Ala ane ba helal waganek aike were'ma heileken hegein motok lek a'naga re, heileken hanorogo hìthìkì logoino,” ìlùk yogosukwa. [

YOHANET 7:41

it aike nen he, “Lek o. Apùnì telninabuagaluk Ala nen lakhei wesigin isike a'nogoat o,” ìlùk isukwa meneat he, it aike nen he, mel isukwa: “Apùnì telninabuagalùk Ala nen lakhei wesigin isike a'nogo, o Kalilea nen elok wesusak nogo? Mea o.

LUKAT 23:23

e ba menhìlìk wasuagalùk inane sì'lamok-wa'lamok kìno yogosukwama re, it inane omame agaike.

LUKAT 11:53

o a'nogo hebisalùk eta'ma wùlìbi lagaike. Wùlìbi lagaikomo re, it ap Ala ane helal waganek esewerek mene mel, Parisi mene mel, ina'mage at oba hìkì logolìk, “At Yesùt atì ane igin oba wene eken hìlìk ebe wasuok,” ìlùk he, anema hùko wanhìk, hamùlùgat wanhìk, ìkì logolìk ineil wanhì lagaukwa.

MATÌÙT 27:24

Atì'nogo yogosukwama, at Pilatùt en he, “It apùnì yoma nen, Wasugunat, ìlùk inane keirogoat ìkì logolìk elùgùn oba weak asiginmoat, an nane tùlemat alemarogo ìkì lagì hìgì,” ìlùk, i hinago aike wanhikesik he, apùnì amanogo ineileken werek kolek eki bakwe horatì logolìk he, mel yogoisasike: “Ap yì amep he, an noba asigin lek o. Hirat hinoba asigin o,” ìlùk, yogoisasikomo,

MATÌÙT 2:1

At Yesùt a'nogo, o propinsi Yurea o Pe'lehem ta'lagaike. Ta'lagaike atem higit he, o atoma kain etagepogot he, ap etage Herotet atì welagaike. Were'ma re, it ap ina'la kagalek mene hesagal hùthìkì lagaukwa mene aike o mo eroma nen yegelogo lagai wagarek a'loma higit en o Yerusalem wagaukwa.

MATÌÙT 11:1

It ap Yesùt ane wanhì lagaukwa mene inebe 12 nen amanogo inasuk atì'nogo warogo hisalùk he, apùnì inawì sili lopok wene hano wene a'nogo yakùlisìgìk, inasuk watìk, igìlùk he, o atom nenat lagaike.

LUKAT 23:6

Atì'nogo yogosukwama, at Pilatùt a'nogo asuk holhikesik he, “Ap yì o Kalilea mene a?” ìlùk, apùnì amanogo yogoisasikomo,