LUKAT 23:34 - Ala Ane Wene Ket Mene Warogo Wo'ninapike Wene

³⁴ Atì'nogo menhisasukwama logolìk, at Yesùt en Ala mel yogosike: “Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk, “At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

LUKAT 23:34 ပူးပေါင်းရင်းမြစ်များ

MATÌÙT 5:44

Atì'nogo meneat he, an nen wene aike yì yogohisak. At ninopase Ala pogot oba mene mo esewerek logolìk kweangma lìarogo apùnì inoabùt weak mene lek, hano mene lek, obogat hesigat yarisìgìk, nen, moso pelakhei wagarek atì re, it higit hagarì'lùgì mene lek, kolo hagarì'lùgì mene lek, obogat hesik pelaksa wagìk, ikerek atì hak, hit hinopase Ala pogot oba mene againapùrìat asuageip ìlùk, apùnì hinom weak mene atì hinetawìrinapì logolìk he, it weagathinabì'lùgì mene atì, Ala nen hanorinabuagalùk, it hesik sapan ìkì logoino.

LAKSASIKE 7:60

Atì'nogo ìkì logolìk, eitep awì yukuk hogo hù'lagaike. Hù'larìk, ane hùkorogoat he, mel isike:

1 PETERÙT 3:9

Apùnì aike nen hit weak hagathinapenem, hit en oko weagarinapùp o. Nen, inane sagan weak wokhikikenem, hit en oko hinane sagan wogisagùbat o. Oko re, Ala nen inebe hanorinabuagalùk, ayoko hìkì logoino. Hobuk at en hano mene wokhisagalùk hinayoko hesike atì nen, hit en oko hano mene wogisìkì logoino.

ÙRÙM 12:14

It apùnì aike nen weagathinapenem he, Ala nen it hanorinabuagalùk ayoko hìkì logoino. Weagarinabuagalùk homan hisìgì'legat, hanorinabuagalùk ayoko hìkì logoino o.

1 KORÌTÙT 2:8

Apùnì kweangma mene inogogì kaintek o yogotak werek yoma, wene atì inelu agì'lek inokorat werek. Inelu logoilepma re, ninoe Etagepogot hogoratorek a'nogo, ebe e ba menhìlìk wa'lep legat o.

LAKSASIKE 3:17

Mene re, nerùgì nagaiya'lak. Hit hinogogì kaintek hinom Yesùt hesik hagatep atì, hinokot logolìk hagatep atì, an nelu o.

1 KORÌTÙT 4:12

Atì'nogo nìkì logolìk, yì mene tì mene helùogolùk, yabu nineki ba nen, ninomamerogo waganogo helogorek. Apùnì nen homan hinikenem, nit en agaugerinapìk, yì aik tì aik haga'ninapenem, ninepe morogo welagìk,

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

YOHANET 19:11

at Yesùt en he, mel yogosike: “At Ala men he, Hat en ùkùm apùnì inoba hìgìk, kotìk, ìkì logoino, ìlùk hat esewerek hageilep le'ma re, hat en ùkùm noba housak meaat o. Atì nen he, Hat weak hagaten, ìlùk ùkùm hoba hamùlùgat negen werek meneat he, at aike nen an nebe waganogo hat heki ba hani waga mene atì nek he, weak hagate, ìlùk ùkùm hùko negen oba werek o,” ìlùk yogosikomo,

MAREKÙT 15:24

Yesùt ebe arat e ba menhesukwasik he, asu nokolek amanogo inebe lopok, Sanì hak asugun, ìlùk, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

LUKAT 22:42

mel isike: “Nopase e! Hat en hano akegen halok he, an weaga'nabugun mene atì telnabino,” ìlùk u hak, “Eken amusu hinago noagalùk wo'nesugun atì, hat en an noba nen wokhano. Mene re, an na'la akìkì lagì mene atì lek o. We, hat ha'la akegen mene atìat haga'nabino o,” ìlùk yogosikomo, [

YOHANET 17:9

“An nen sapan ìkì lagì yì re, it apùnì kweangma mene hesik ìkì lagì hùk. We, it hat hagainapùrì mene an wo'nesigin atì nen he, it hesigat sapan ìkì lagì o.

LAKSASIKE 16:28

Wanhikesik okawerek en waragalùk ikenem, at Paùlùt ane hùkorogoat mel yogosike: “Hebe hokawerek en waragùn o. Nit ninebe obogat welago,” ìlùk yogosike.