LUKAT 23:32 - Ala Ane Wene Ket Mene Warogo Wo'ninapike Wene

³² Nen, at wolok waga logolìk he, it ap inoabùt motok weak hagatì lagaukwa mene inebe pìre inom inoasuogolùk wogisek wagaukwaat.

LUKAT 23:32 ပူးပေါင်းရင်းမြစ်များ

MAREKÙT 15:27

Yesùt ebe e ba tùlem atì'nogo menhesukwasik he, it ap inebe pìre apùnì inagarok ineki abusak wanhì lagaukwa mene, aike eki ebekwe, aike eki peikkwe, inom menhisìlìk inoasukwaat. [

MATÌÙT 27:38

Yesùt ebe e ba tùlem atì'nogo menhesukwasik, it ap inebe pìre apùnì inagarok ineki abusak wanhì lagaukwa mene aike eki ebekwe, aike eki peikkwe, menhisìlìk inom inoasukwaat.

YOHANET 19:18

Wagamkwasik he, atoma Yesùt ebe e ba tùlem menhìlìk he, it ap aike hunigat mene inom abel he'na-he'na menhisasukwa.

LUKAT 22:37

An haga'nabugun mene hesik helal waganogo hìkì logolìk he, At atì apùnì inoabùt weak hagatarek mene inom higit hogo hagarinapa o, ìlùk isukwa atì, an noba higit asusak meneat yogotak higit arìk wìrì'logo atì nen yogohisìgì o,” ìlùk yogoisasikomo,

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

LUKAT 23:31

Atì hak he, yogotak ya e ket oba negen logolìk haga'nabì'lùgì yì re, hobuk e pùk oba negen asi laga logolìk, nìkì'nogo hagasugun akegep,” ìlùk yogoisasike.

2 TIMOTÌÙT 2:9

An hano wene atì'nogo yogoisìlìk nikenem, it apùnì aike nen, it aike weak hagarì'lùgì mene hagarinabu hak, an yì aik tì aik haga'napìk, neki hele watìk, ìlì'lùgì meneat he, Ala ane atì hele homasusak mea o. We, hele hikalegat werek.