LUKAT 23:25 - Ala Ane Wene Ket Mene Warogo Wo'ninapike Wene

²⁵ at Parapat en holim hìbìrogo weim yapì logolìk apùnì inoatì lagaikomo eki hele warogo hesukwa mene a'nogo, “Hele hikalogo wo'nisasak,” isukwa a'nogo wogisìgìk, nen, at Yesùt a'nogo nek he, it ina'la akasukwa mene higit hogo hagasuagalùk agoromì ineki ba hìgìk, isike.

LUKAT 23:25 ပူးပေါင်းရင်းမြစ်များ

LAKSASIKE 3:14

At he, Ala nen lakhei wagaikomo oabùt higit hogo hagatì laga meneat he, hit en Pilatùt yogotì logolìk, Ap atì ebe ninabìt o. Ap aike apùnì inoare meneat he, arìat eki hele hikalogo wo'nisan o, ìlùk kìno yogotep akìgì.

MAREKÙT 15:15

Atì'nogo yogosukwama, at Pilatùt en he, a'la mel akasike: “Halok he, apùnì logolek yoma ina'la hanorogo yì'nogo hagasik,” ìlùk isikesik he, Parapat a'nogo eki hele hikalogo wogisìkì logolìk he, at agoromì tentara nen Yesùt tùgì labisake warogo e ba menhìlìk wasuagalùk wogisasike.

YOHANET 18:40

it en inane apik sì'lamok-wa'lamok ìkì logolìk he, mel yogosukwa: “Lek ù. At atì hele hikalusak lek o! We, at Parapat atìat hele hikalnisan o!” ìlùk yogosukwa. At Parapat atì re, oabùt weak ekiabusak wanhì lagaike meneat isukwa atì.

LUKAT 23:5

it amanogo hobuk inane motok kei-karogo mel yogosukwa: “Lek o. Ap yì wene yakùlisìlìk nìkì logolìk he, apùnì o Yurea mene ya ta obogat ina'la kagalìk niko. Emakum o Kalilea atoma nen ina'la kagalìk kagalìk he, o yoma waga yì,” ìlùk yogosukwa.

LUKAT 23:2

Wagaukwasik ùkùm oba hìkì logolìk he, mel yogosukwa: “Ap yì nen apùnì nit mene lalinapìk, uang pemerintah mene hesik ap kain Kaisat a'nogo wogosusak lek o, ìgìk, Hinoe Netagepogot Karìsùt a'nogo anat o, ìgìk, ìlùk nit nineilhanem ìkì laga atì nen wolok wago,” ìlùk yogosukwa.

MATÌÙT 27:26

at Parapat a'nogo eki hele hikalogo wogisìkì logolìk he, at Yesùt enek he, tùgì labìsake warogo re, e ba menhìlìk wasuagalùk wogisasike.

LUKAT 23:24

It inane omame agaikomo, at Pilatùt en it en kìno isukwa higit hogoat wene tek hogo isikesik,

LUKAT 23:26

Atì'nogo wogisasikomo wolok wagaukwa hak he, ap etage Simon, awì o Kirene mene aike o wele'ma nen o kota hùkoma kigìlùk laganem, ebe hakhesukwasik e Yesùt menhìlìk wasugun mene a'nogo wolok he, Yesùt opolik wesuagalùk inane keirogo yogosukwa.

YOHANET 19:16

at Pilatùt en Yesùt ebe e ba menhìlìk wasuagalùk wogisasike. Atì'nogo wogisasikomo re, Yesùt ebe wolok wùlìbi wagaukwa.