LUKAT 23:2 - Ala Ane Wene Ket Mene Warogo Wo'ninapike Wene

² Wagaukwasik ùkùm oba hìkì logolìk he, mel yogosukwa: “Ap yì nen apùnì nit mene lalinapìk, uang pemerintah mene hesik ap kain Kaisat a'nogo wogosusak lek o, ìgìk, Hinoe Netagepogot Karìsùt a'nogo anat o, ìgìk, ìlùk nit nineilhanem ìkì laga atì nen wolok wago,” ìlùk yogosukwa.

LUKAT 23:2 ပူးပေါင်းရင်းမြစ်များ

YOHANET 19:12

at Pilatùt asuk holhikesik he, Yesùt hele hikalogo heigìlùk walhasike meneat he, it ap Yahuri mene amanogo inane hùkorogo sì'lamok-wa'lamok mel yogosukwa: “Sa nan, An nebe kain netagepogot, ìlùk okawerek en ike halok he, ap Kaisat a'la meathike ugun. Halok he, hat en at ari hele hikalogo wulakhegen halok he, hat ap Kaisat heperak ekabe mene lek o. Huso mene heogoin o,” ìlùk yogosukwama,

LUKAT 23:14

wene mel yogoisasike: “Ap yì nen apùnì lalinabìk niko yì, ìlùk, an noba wolok wagasip ùkùm oba hegepma re, an nen hit hineilhanemat wene ero penetì mene re, hit en ùkùm oba hegep hak he, hìgì lek o.

LAKSASIKE 24:5

Ap yì nen he, apùnì weagarinabìk nikenem, oabùt palho. It apùnì ap Nasaret mene a'nogo opolik lìlì'lùgì mene inoe kain logolìk he, apùnì Yahuri mene o yì awì tì awì welagaikarek mene obogat ina'la menerìk niko.

YOHANET 18:30

it en he, mel yogosukwa: “At yì weak hagatì'lek logoilepma re, hat hoba wolok we'lo legat o,” ìlùk yogosukwama,

MAREKÙT 12:17

at Yesùt en he, mel yogoisasike: “Kaisat mene halok he, Kaisat at wogotìk, Ala mene halok he, Ala at wogotìk, ìkì logoino o,” ìlùk yogoisasikomo re, it en he, “Egi! Nayùk e,” ìlùk hogorasukwa.

MATÌÙT 22:21

it en he, “Arì Kaisat at o,” ìlùk yogosukwama, at Yesùt en he, “Kaisat mene halok he, Kaisat at wogotìk, Ala mene halok he, Ala at wogotìk, ìkì logoino o,” ìlùk, yogoisasikomo re,

LAKSASIKE 24:13

It ap yì nen ùkùm noba hìlì'lùgì atì re, Eberogoat hagatomo, ìlùk nena mene inùkheogoin. Ìnùkheasak legat asigin o.

LUKAT 23:5

it amanogo hobuk inane motok kei-karogo mel yogosukwa: “Lek o. Ap yì wene yakùlisìlìk nìkì logolìk he, apùnì o Yurea mene ya ta obogat ina'la kagalìk niko. Emakum o Kalilea atoma nen ina'la kagalìk kagalìk he, o yoma waga yì,” ìlùk yogosukwa.

MATÌÙT 17:27

Mene re, it en ina'mapsìrì wa'nisa nogo nen he, i yekele'ma lìlìk ikan watarek mene hele a'nogo ima pelapenem emakumagìk wanigin mene a'naga hekimo wìlìk ape langathikenem he, uang apelema were'ma hegein o. Halok he, atìat waganogo re, hat hesik, an hesik, it ap atì wogisano o,” ìlùk yogosike.

MATÌÙT 27:11

At Yesùt ap Pilatùt Gubernur kain mene a'nogo oba wolok wagaukwama elokoma mel asi lagaikomo re, at an hinok oba wokhìkì logolìk mel yogosike: “Apùnì Yahurì mene inoe etagepogot a'nogo hat meneat ega?” ìlùk yogosikomo, at Yesùt en he: “Hat egen atìat o,” ìlùk yogosike meneat he,

MAREKÙT 15:2

Wogosi wagaukwama, at en he, hinok Yesùt oba wokhìkì logolìk mel yogosike: “Apùnì Yahuri mene inoe etagepogot a'nogo, hat meneat ega?” ìlùk yogosikomo re, at en he, “Hat egen atìat o,” ìlùk yogosike.

YOHANET 18:29

O silimo kamo isukwama re, at Pilatùt inoba wùlìbi wagaikesik he, mel yogoisasike: “Ap sanì. Ap yì ùkùm kì'nogo mene oba hegesip en wolok wagep,” ìlùk yogoisasikomo,

ÙRÙM 13:7

Halok, it wogisasak meneat wogisìkì logoino o. Uang pemerintah nen yì hesik tì hesik kìno ikenem wogisasak higit hogoat wogisìgìk, it inebe hinayùk hogo logousak higit hogoat hinayùk hogo welagìk, hinane agauk hogo yogoisasak higit hogoat agauk hogo yogoisìgìk, ìkì logoino o.