LUKAT 23:13 - Ala Ane Wene Ket Mene Warogo Wo'ninapike Wene

¹³ Nen, at Yesùt wolok lagaukwama re, at Pilatùt en, it ap Ala esewerek mene inogogì kaintek mel, it ap Yahuri mene kaintek inetagewerek mene aike mel, inagoromì obogat mel, “Atogosi we'ni o,” ìlùk yogoisasikomo wagaukwama re,

LUKAT 23:13 ပူးပေါင်းရင်းမြစ်များ

YOHANET 18:38

at Pilatùt en he, “Wene ebe wene atì nena wene nogo,” ìlùk yogosike. Wene atì'nogo yogosikesik he, at Pilatùt hobuk ap Yahuri mene inoba wùlìbi wagaikesik he, mel yogoisasike: “An nen at ùkùm oba hegep mene pìlìngìtì mene re, at weak aike hagatomo hìgì motok lek o.

MAREKÙT 15:14

Atì'nogo yogosukwa meneat he, at Pilatùt en he, mel yogoisasike: “At weak nena mene hagatomo nen,” ìlùk yogoisasike meneat he, it en he, “E ba menhìlìk wa'no o!” ìlùk hobuk inane ebenageik kei-karogoat yogosukwa.

YOHANET 19:4

Atì'nogo watì lagaukwama, at Pilatùt a'nogo hobuk it ap Yahuri mene isa wùlìbi wagaikesik he, mel yogoisasike: “Ap sanì. Lakhani! At ùkùm oba hegep mene pìlìngìtì mene re, at weak aike hagatomo hìgì motok lek atì hit hinelu asuageip en ìlùk wulakhisa wagì o,” ìlùk yogoisasikomo,

LUKAT 23:35

It apùnì amanogo atem metek logolìk ineileken werek kolek he, it ap Yahuri mene inogogì kaintek amanogo inamisang sìkìn ìlìk, Yesùt inane sagan wokhìkì logolìk he, mel isukwa: “At yì Ala nen Karìsùt menhìlìk lakhei wesigin isike a'nogo ebe arat halok he, it apùnì aike elok telinapì laga a'nogo hak, okawerek en atì'nogoat telanìk he,” ìlùk isukwa.

LUKAT 24:20

it ap Ala esewerek mene inogogì kaintek mel, nit ninogogì kaintek mel, inom en ùkùm oba hìlìk e ba menhìlìk wasuagalùgat ineki ba hagama wata o.

YOHANET 3:1

Apùnì Yahuri mene inoe kain ap Parisi mene inawene hesogo welagaike mene aike etage Nikotemùt.

YOHANET 7:26

Meneat he, ebe lakhani! Nayùk e. Ayù'legat logolìk, wene yogonisikenem, it en wene oko yogotì'legat kamo ìlì'lùgì yì. It ap ninogogì kaintek yoma ina'la nen he, Ap yì nit apùnì telninabuagalùk Ala nen lakhei wesigin, ìlùk isike a'nogo ebe arìat, ìlùk ina'la akagasik en ìlì'lùgì he a.

YOHANET 7:48

Nit ap Yahuri mene hinogogì kaintek aike nen inetaùken at oba hìpìrethìgìk, nit ap Parisi mene aike nen inetaùken at oba hìpìrethìgìk, ikenem aike isìkì lagep a? Motok lek o.

YOHANET 12:42

Wene atì'nogo isikomo helal waganek werek meneat he, it ap kaintek Yahuri mene he'nakìt inebe apigat, inetaùken Yesùt oba hìpìrethesukwa meneat he, it en he, yì'nogo hagatì lagaukwa: “It ap Parisi mane nen o napan egare'ma nen nineki lisogo wulakhina nogo,” ìlùk he, “Ninetaùken Yesùt oba hìpìrethogo,” ìlùk apùnì ineilhanem pak hogo ìkì lagaukwa lek.

LAKSASIKE 3:17

Mene re, nerùgì nagaiya'lak. Hit hinogogì kaintek hinom Yesùt hesik hagatep atì, hinokot logolìk hagatep atì, an nelu o.

LAKSASIKE 4:5

Atì'nogo hagasukwasik, ohealek it ap kaintek amanogo mel, inalùgetek amanogo mel, Ala ane helal waganek esewerek mene amanogo mel, atogorogo re, it Ala esewerek mene inoe kain Hanat ho, Kayapat ho, Yohanet ho, Aleksatat ho, Ala esewerek inoe kain mene againapùrì aike ho inom, o Yerusalem atogosukwa.

LAKSASIKE 4:8

at Peterùt Ala Areagùn a'la peserogo welagaike mene a'nogo nen wene mel yogoisasike: “Nogogì kainte'lak mel, nopaselak mel, hinalaok.

LAKSASIKE 13:27

Wene lakhei waga mene atì, it apùnì o Yerusalem mene inogogì kaintek inom enat he, Yesùt ebe hùthìgì'lek. Hùthìgì'lek logolìk, hageat en it ap Ala ane yogoisìkì lagaukwa mene amanogo nen wene halal waganogo hesukwa mene were'ma, sapan ninhùp-nanhùp ìkì logolìk etage salhenem inasuk holharek meneat he, wene ebe hùthìgì'lek. Atì'nogo hùthìgì'lek logolìk, Yesùt ùkùm oba hìlìk ebe wasukwa atì ba, wene hageat isukwa mene atì ebe agaike atì.